2022 жылы танымал болған қастандық теориялары
![](https://stopfake.kz/wp-content/uploads/2022/12/27.png)
Біз өткен жылы Қазнетте кеңінен тараған бес қастандық теориясын жинадық.
1. «Тірі суверен-адамдар»
Бұл қастандық теориясына сәйкес, жер бетіндегі барлық адамдар заңды түрде қолынан іс келмейтін немесе өлген болып саналады. Мұны өзгерту үшін өзіңізді тірі адам деп жариялауыңыз керек. Осыдан кейін әр адам туғанда ашылатын жеке банктік шотта сақталған алтынды аласыз. Биыл бұл теорияны жақтаушылар адамдарды өздерін тірі деп жариялауға шақырып, егер олай жасамаса, адамды заңды түрде сатуға немесе сатып алуға болады деп мәлімдеді.
2. Медициналық диктатура
2022 жылдың ортасынан бастап қазақстандықтар Дүниежүзілік денсаулық сақтау ұйымы әлемде билікті басып алуға ниетті деген қауесет таратты. Ұйым басшылығы белгілі бір келісім жасасып, оған қол қойған елдер егемендігінен айырылып, Конституциялары қолданыстан шығарылады екен. Мұның бәрі жалған деп біз бірнеше рет жаздық.
3. Бірыңғай әлемдік валютаға көшу
Кейбір қазақстандықтар әлемде қолма-қол ақшаны пайдалануға тыйым салынады, мемлекеттік валюталар жойылады, ал тауарларды тек бірыңғай әлемдік валютаның көмегімен ғана сатуға және сатып алуға болады деп жазды. Пайдаланушылар теориясына сәйкес, оны белгісіз «глобалистер» бақылап, кім және не алатынын бақылап отырады. Біз қолма-қол ақшаға тыйым салу туралы мәселе әлем елдерінде талқыланып жатпағанын және бірыңғай әлемдік валюта құруға алғышарттар жоқ екенін түсіндірген болатынбыз.
4. «Жоқ» радиация
2022 жылы Қазнетте жаңа қастандық теориясы пайда болды. Оған сәйкес, радиация мен ядролық қару іс жүзінде жоқ, ал жарылыстар – бұл оптикалық иллюзия. Пайдаланушылар 2022 жылдың 1 қарашасында ядролық жарылыс сахналанады деп болжаған болатын. Олай болмағаны анық.
5. Өзгеғаламшарлықтар
2022 жылы да қазақстандық қастандық теориясын жақтаушылар жермен байланыста болатын өзгеғаламшарлықтардың барына сенді. Олар Желіде өзгеғаламшарлықтар әртүрлі елдердің әскері үшін әскери технологиялар әзірлеп жатыр деп жазды. Жапон мамандарында жерден тыс өркениеттің барына дәлел бар, ал 2024 жылы «глобалистер» адамдарды қорқытып, оларды мойынсұнуға мәжбүрлеу үшін өзгеғаламшарлықтардың жаппай шабуылын жасайды екен.
2021 жылы Қазнетте кеңінен жарияланған Q-Anon және «Көгілдір сәуле» туралы қастандық теориялары 2022 жылы қазақстандықтар арасында әлдеқайда аз таратылды.