Фейк: «COVID-19 қарсы вакциналарда графен гидроксидінен жасалған жүздер табылды»
Қазнет қолданушылары COVID-19 қарсы вакциналардан графен мен графен оксидінен басқа, графен гидроксиді де табылып отыр, ол жүзге ұқсайды және егілген адамдардың тамырларын іштен кеседі екен. Бұл фейк.
Вакциналар құрамындағы графен және графен оксиді туралы ақпарат қастандық теориясы болып табылады және ешқандай дәлелі жоқ. Біз оларды толықтай жоққа шығардық.
Вакциналардағы графен гидроксиді идеясын алғаш рет неміс химигі Андреас Ноак ұсынған. Ол Испания мемлекеттік университеті болып табылатын Альмерия университетінде жүргізілген зерттеуге сүйенеді. Алайда, мұндай мәлімдемелер желіде кеңінен таралаға бастаған соң көп ұзамай университет әкімшілігі COVID-19 қарсы вакциналардың графен мен оның қосылыстарынан тұратын құрамы туралы қорытындыға қатысы барын жоққа шығарды.
Айта кетейік, COVID-19 қарсы вакциналардың құрамы құпия емес және баршаға белгілі. Олардың ішінде таза графен де, оның оксидтері де, гидроксидтері де жоқ.
Екпелердің құрамымен толығырақ мына жерден танысуға болады:
Pfizer/BioNTech;
Moderna;
Janssen;
Astra-Zeneca;
Sputnik V;
Hayat-Vax (Sinopharm);
QazVac;
CoronaVac;
Графен гидроксидінің тамырларды іштен кесетін жүздері бары туралы ақпарат ғылымға қайшы келеді. Графен гидроксиді тері тесігі үлкен үш өлшемді торға ие. Оның микроскоптағы суреттерін Желіден табуға болады. Бұл материалдың жүздерге мүлдем ұқсамайтынын дәлелдейді. Сонымен қатар, егер COVID-19 қарсы вакцина алған адамдардың тамырлары іштен кесілсе, онда өлім ішкі қан кетудің салдарынан болатын еді. Алайда мұндай жағдайлар туралы хабарланған жоқ. COVID-19 салдарынан қайтыс болғандарды ашып тексеру нәтижесінде ғалымдар пациенттердің ішкі қан кету немесе тамырлы жарақаттары салдарынан көз жұмды деген қорытындылар жасамаған.
Демек, доктор Ноактың сөзінің шындық болатындай негізі жоқ. COVID-19 қарсы вакциналардың құрамына графен де, оның қосылыстары да кірмейді. Вакцинацияланған адамдарда қан тамырларының түсініксіз жарақаттары салдарынан кең көлемді ішкі қан кетулер болатындығы туралы мүлдем хабарланбаған. Доктор Ноак айтқан графен гидроксидінің құрылымы кеуекті және ол жүзге ұқсамайды.
