Жаңалықтар

Фейк: «Пандемия әлемдік қаржы жүйесін жойып, жалпы бақылау орнату үшін ұйымдастырылды»

Қазақстандықтар әлеуметтік желілерде «Локдаун планетасы» фильмінен алынған үзіндімен бөлісуде. Таратылған ролик – банктік инвестициялар жөніндегі маман Кэтрин Остин Фиттстің сұхбаты, ол онда COVID-19 пандемиясының қаржы жүйесін жойып, бүкіл адамзатты бақылауға алу үшін жоспарланған деп мәлімдейді. Бұл дәлелденбеген қастандық теориялары.

 

Посмотреть эту публикацию в Instagram

 

Публикация от Дани Капаров (@danikaparov)

«Локдаун планетасы» фильмі биыл ақпан айында шықты, оны YouTube платформасы бірден бұғаттап тастады, өйткені онда фейк мәлімдемелер көп болды. 
Олардың ішіндегі ең бастысы – COVID-19 пандемиясы жоспарланған деген тұжырым дұрыс емес. Ғалымдар 2019 жылдың соңында бұл аурудың қоздырғышын, SARS-CoV-2 коронавирусын бөліп, оның геномын ашып, зерттей алды. 
Алынған мәліметтерге сүйене отырып, олар патоген табиғи түрде пайда болды деген қорытындыға келді. Мамандардың пікірінше, мұны тірі ағзадан тыс жерде болмайтын белгілі бір мутациялардан байқауға болады. 
Бұл жаңа вирустың пайда болуын жоспарлау мүмкін емес дегеннің белгісі, ал COVID-19 пандемиясы біреудің жоспарын жүзеге асыру емес, бұрын белгісіз болған жаңа аурудың таралуының нәтижесі.
Енді Кэтрин Остин Фиттстің ақша туралы және пандемия осы күнге дейін белгілі валюталар мен қолма-қол ақшаны алып тастау үшін қажет деген тезисіне тоқталайық. Оның айтуынша, жалпы дүрбелең байқатпай бүкіл әлемнің бірыңғай цифрлық ақша жүйесіне өтуге ықпал етеді. Алайда бұған ешқандай дәлел жоқ. Біріншіден, цифрлық немесе криптовалюталар бүгінде әлемнің бірнеше елінде ғана заңды және кеңінен қолданылмайды. Криптовалюталар болашақта басқаларын ығыстырады деуге алғышарттар жоқ. 
Екіншіден, біз білетін валюталармен қолма-қол ақшасыз есеп айырысулар COVID-19 пандемиясы басталғанға дейін 1990 жылдардың ортасында қолданысқа енді. 
Дегенмен, мамандар қолма-қол ақшасыз есеп айырысу көлемінің артуы қолма-қол ақшаны күнделікті өмірден толығымен ығыстыра алмайды деп санайды.
Айта кетейік, бір дүниежүзілік банк басқаратын бірыңғай жаһандық валютаны құру теориясы бұрыннан айтылып келеді және «жаңа әлемдік тәртіп» туралы конспирологиялық теорияның бөлігі болып табылады. Біз бұл туралы жазған болатынбыз.

Фейк: «БҰҰ-ның жаңа әлемдік тәртіп орнату жөніндегі жоспарларын дәлелдейтін құжат табылды»

Таратылған роликте Кэтрин Остин Фиттс вакцинация барлық адамдарға жалпы бақылау орнатудың құралы деп те айтады. Бұл жалған. Вакциналардағы микрочиптер туралы теориялар 1980 жылдардың соңында пайда болды, бірақ әлі расталған жоқ. Микрочипті вакцинамен бірге адам байқамайтындай етіп енгізуге болмайтындығы туралы толығырақ мына жерде жазған болатынбыз.
Демек, роликте айтылған мәлімдемелер дәлелденбеген және ғылымға қарсы. COVID-19 пандемиясына табиғи түрде пайда болатын нақты вирус себеп болды. Қолданыстағы қаржы жүйесін жоюдың алғышарттары жоқ, ал COVID-19 қарсы вакцина адамдарды жалпы бақылау үшін емес, аурудан қорғау үшін қажет.

 

Фейктерді әшкерелеу біздің Stopfake.kz Telegram-арнамызда. Бірден шындықты білгіңіз келсе, жазылыңыздар.

Басқа жаңалықтар

Back to top button