Фейк:«Вирус — ауадағы, судағы және тағамдағы компоненттер жиынтығы»
Кейбір қазақстандық әлеуметтік желі қолданушылары вирустардың бар екенін тағы да жоққа шығаруда. Тағы бір хабарлама авторы «атақты биолог, доктор Клингарттың» бақылауларына сүйенеді. Бірақ ұсынылған ақпарат шындыққа жанаспайды.
Ашық дереккөздерде танымал биолог доктор Клингарт туралы ақпарат жоқ. Біз неміс-америкалық клиницист, балама медицинаның жақтаушысы Дитрих Клингхардт туралы мәліметтерді таптық. Алайда, ол вирустардың болмайтыны туралы айтпаған және оны ешқандай бақылауларымен дәлелдемеген.
«Вирус ауа, су және тамақ құрамындағы радиацияның әсерінен қарағай безін бұзатын және рухани дамуға, иммунитетке және эндокриндік жүйеге әсер ететін компоненттер жиынтығы», – делінген хабарламада.
Шын мәнінде, вирус – бұл тәуелсіз биологиялық бірлік және жер бетіндегі тіршіліктің ең көп таралған түрі. Бұл жасушадан тыс инфекциялық агент, оны тек жасуша ішінде ғана көбейеді. Вирустық бөлшек геномға негізделген —ДНҚ немесе РНҚ-дан тұратын ұзын молекула, онда вирустың көбеюіне арналған генетикалық нұсқаулар болады. Вирус генетикалық материалды қорғайтын ақуыз молекулаларының қабығымен жабылған.
Қарағай дене (эпифиз) – адам миының ортасындағы без. Қарағай безінің негізгі қызметі — қоршаған ортадан «жарық-қараңғылық» циклі туралы ақпарат алу және беру, сондай-ақ түнде циклді түрде мелатонин шығару және секреттеу.
Эпифиз басқа биологиялық процестермен байланысты, бірақ оның функциялары толық зерттелмеген.
Хабарлама авторының айтуынша, адамдар вирустан емес, «табиғи ортаға, тамаққа, суға жасанды химикаттар қосу арқылы табиғатпен манипуляциялар жасаудан ауырады. Алюминий (ауа), глифосат (тамақ), фтор (су) және 2.4 ГГц сәулелену (вайфай мұнарасы)».
Айта кетейік, алюминий — бұл планетада ең көп таралған заттардың бірі. Ол тамақ, су және ауада болады. Тамақтандыру кезінде нәресте 6 айда сүтпен 7 миллиграмм алюминий алады. Алюминийдің көп бөлігі организмнен бүйрек (95%), өт қабы арқылы (2%) шығарылады. Орта есеппен, бұл алюминий ағзадан 8 сағат ішінде шығарылады.
Ауаға қауіпті химиялық заттар шашу, ұялы байланыс бағаналарының сәулеленуі — бұл кеңінен таралған қастандық теориялары.
