Фейк: «COVID-19 қарсы вакциналарда қатерлі ісіктің әртүрлі түрлеріне бейімділігі бар ерлердің ДНҚ бар»
Қазақстандық Telegram-чаттарда COVID-19-ға қарсы вакциналардың құрамы туралы жаңа теория тарады. Бұл жолы қолданушылар вакциналарда қатерлі ісіктің көптеген түрлеріне бейімділігі бар ер адамның ДНҚ-сы табылғаны туралы бейнероликпен бөлісуде. Бұл олай емес.
COVID-19 қарсы вакциналарда адамның ДНҚ бар екендігі туралы теория өткен жылдың шілдесінде Желінің ағылшын тілді сегментінде тараған. Оны фактчекерлер және АҚШ-тың Азық-түлік және дәрі-дәрмек сапасын санитарлық қадағалау басқармасының өкілдері жоққа шығарды.
– ДНҚ вакциналарда белсенді компонент ретінде пайдаланылмайды, – деп хабарлады ведомство өкілдері USA TODAY басылымына.
Адамның ДНҚ-сы қазіргі кезде қолданылып жатқан Moderna және Pfizer-BioNTech сияқты вакциналардың да құрамында жоқ. Қазақстанда ниет білдірушілер Hayat-Vax, QazVac және «Спутник-V» препараттарымен егіледі. Олардың да құрамына адамның ДНҚ-сы кірмейді.
Сондай-ақ, бүгінгі күні вакцина алу салдарынан онкологиялық аурулар дамиды деп пайымдауға болатындай деректер жоқ екенін атап өткеніміз жөн.
Демек, адам ДНҚ вакциналары туралы хабарлар расталмаған конспирологиялық теория.
Желі қолданушылары COVID-19 қарсы вакциналардың құрамына кірмейтін заттарды «бар» деп бұған дейін де жазған. Қазнетте графен, алюминий, АИТВ, люцифераз және вакциналар құрамынан табылған басқа да компоненттер туралы мифтер тараған болатын.
