Жаңалықтар

Фейк: «NASA құпия жобасының сынақтары видеоға түсірілген»

Қазақстандық Telegram-чаттарда NASA-ның «Көгілдір сәуле» атты аса құпия жобасы туралы тағы да айтылуда. Бұған аспанда қалықтаған «су қоймасының» бейнесы себеп болды. Бұл фейк.

Шын мәнінде, видеоға аспандағы су қоймасы да, құпия тәжірибелердің нәтижесі де емес, бұлт түсірілген.

Видеода қатты жел мен шу естілмегеніне қарағанда, кадрға – шұңғыма тәрізді бұлт түскен. Бұл су тамшыларынан тұратын және ауада айналатын бұлттардың бір түрі. Мұндай шұңғымалар негізгі, әдеттегі бұлттан пайда болады және ешқашан жерге тимейді. Сырттай олар торнадоға ұқсайды, бірақ шұңғыма тәрізді бұлттар қирауға әкелмейді және олардың құйыннан бірқатар айырмашылығы бар.
Мұндай бұлттар Нью-Йорк, Глазго, Онтарио, Томск және т.б. қалаларда байқалған.
Видеода түсірілген ерекше табиғи құбылыс құпия тәжірибелердің нәтижесі бола алмайды, өйткені «Көк сәуле» деген жоба жоқ. Бұл қастандық теориясы. Оның негізін қалаушы журналист Серж Монаст болып саналады. Оның айтуынша, жобаның мәні NASA-ның аспандағы мессияның шынайы бейнесін жобалап, адамдарға оның дауысын естуге мүмкіндік беретін арнайы жабдықты орнатуы деп жазды. Монасттың пікірінше, осылайша үкімет адамдарды өзіне бағындырып, оларды кез келген ойға, идея мен нанымға иландыра алады.
Бұл теорияның ешқандай дәлел жоқ. «Құпия құжаттарға» жасалған сілтемелердің барлығы Серж Монастқа ғана қатысты. Сонымен қатар, «Мессия голограммасы» өте кең ұғым, өйткені Мессияның өзі әр дінде әртүрлі болады, ал кейбірінде мүлдем жоқ.
Бұған дейін әлеуметтік желі қолданушылары ерекше және өздеріне түсініксіз болып көрінген видеоларды «Көгілдір сәуле» жобасы аясында жүргізілген тәжірибелер деп айтқан болатын.

 

Фейктерді әшкерелеу біздің Stopfake.kz Telegram-арнамызда. Бірден шындықты білгіңіз келсе, жазылыңыздар.

Басқа жаңалықтар

Back to top button