Фейк: «Бағдат Мусин отандық мамандардың «қолынан келмейді» деп мәлімдеді»
![](https://stopfake.kz/wp-content/uploads/2021/09/191002110724314e.jpg)
Әлеуметтік желілерде Қазақстан Республикасының Цифрлық даму, инновациялар және аэроғарыш өнеркәсібі министрі Бағдат Мусиннің айтқан сөз таралуда. Пайдаланушылардың айтуынша, ол отандық мамандардың «қолынан келмейді» және «бәрін талан-таражға салады» деп мәлімдеген. Бұл жалған.
Посмотреть эту публикацию в Instagram
ЦДИАӨМ Қазнетте тараған мәлімдемені жоққа шығарды.
– Интернетте мемлекеттік сектордың ақпараттық жүйелерін цифрландыру аясында платформалық модельге көшу жоспарларына қатысты жалған ақпарат таратылуда. Министр айтты деген мәлімдемелер шындыққа жанаспайды және фейк болып табылады, – деп хабарлады ведомстводан.
Бұл ақпараттың дереккөзі – Qazinform24 сатиралық Instagram-аккаунты. Бұл парақшада шынайы оқиғалар емес, ойдан шығарылған жаңалықтар жарияланады.
Бұған дейін біз осы аккаунтта жарияланған, пайдаланушылар шын деп ойлап қалған ақпараттарды жоққа шығарған болатынбыз.