Фейк: «Мектептерде коронавирус жұқтыратын антисептиктер қолданылады»
Танымал Telegram-чатта қазақстандық мектептерде денсаулыққа қауіпті антисептиктер қолданылатыны туралы хабарламалар талқылануда. Оқушыларды өңдеуге арналған ерітінділер оларға коронавирус жұқтырады екен. Пайдаланушылардың пікірінше, бұл ата-аналарды балаларды вакцинациялауға ынталандыру үшін жасалады.
Бұл қауесетті ҚР ДСМ санитарлық-эпидемиологиялық бақылау комитеті жоққа шығарды.
– Өткен жылы білім беру ұйымдарында дезинфекциялық тоннельдер алынып тасталды. Олар орнында тұрса да, жұмыс істемейді. Оған тыйым салынған. Бір ғана шарт – мектептерде дезинфекциялық төсеніштер болуы керек. Балаға тікелей ештеңе бүркімейді. Мектептерде қатаң бақылаудан өткен және сертификатталған антисептиктер бар. Олар ешқандай ауру жұқтырмайды. Егер ата-аналар баланың ортақ антисептикті қолдануын қаламаса, оны жеке санитайзермен қамтамасыз етуге рұқсат етіледі, – деп түсіндірді ведомствоның ресми өкілі Ержан Байтанаев.
Бұған дейін Комитетте Қазақстанда қолданылатын дезинфекциялауға арналған барлық құралдар адамдар үшін қауіпсіз және ерітінділерді дайындау үшін ұсынылатын пропорциялар көрсетілген пайдалану жөніндегі нұсқаулықтар бар. Дезинфекциялық заттардың құрамына вирустар мен патогендер кірмейді, сәйкесінше оларды қолдану нәтижесінде ауру жұқтыру мүмкін емес.
Қазақстандықтар антисептиктердің зияны туралы фейк хабарламаларды бұған дейін де таратқан. Біз оларды қолдану өлімге әкеледі деген қауесетті жоққа шығарған болатынбыз.
