Жаңалықтар

Фейк: «Вакциналар құрамындағы ақуыз – қауіпті токсин»

Әлеуметтік желілерде вакциналарға қарсы екендігімен танымал доктор Байрам Брайдлдың идеялары таралуда. Кейбір пайдаланушылар «вакциналар құрамындағы» коронавирус ақуызы ішкі ағзаларды зақымдайтын қауіпті токсин деп санайды. Бұл олай емес.

Доктор Байрам Брайдл – вакциналарға қарсы екендігімен танымал және Желінің ағылшын тілді сегментіндегі COVID-диссиденттердің бірі. Ол таратқан жалған ақпаратпен күресу үшін жеке сайт та ашылған. 
Брайдлдың айтуынша, COVID-19 қарсы вакциналарда SARS-CoV-2 коронавирусының спайк ақуызы бар. Бұл токсин болып табылады және әртүрлі ішкі органдардың, соның ішінде репродуктивті жүйенің зақымдалуына әкеледі.
Бұл ғылымға қайшы. Неге екенін түсіндірейік.
Спайк ақуызы – бұл коронавирустың бетіндегі «тікенек». Бұл гликопротеиндер. Бұл ақуыз тікендер вирусты жасушаға бекітеді, нәтижесінде індет жұғады. Өткен жылы наурыз айында SARS-CoV-2 коронавирусының спайк ақуызының үш өлшемді құрылымы толық зерттеліп, сипатталған. 
COVID-19 қарсы вакциналарда спайк ақуызы жоқ. мРНҚ да, векторлық вакциналарда да осы ақуызды кодтайтын ген болады. Осының арқасында спайк ақуызы тікелей адам ағзасында синтезделеді. Отандық QazVac сияқты белсенділігі жойылған вакциналардың құрамында белсенділігі жойылған Sars-CoV-2 вирусы бар. Демек, вирустың өзі де, оның ақуызы да адамға зиян тигізбейді.

Жақында жүргізілген зерттеулер коронавирус ақуыздары тамыр және өкпе тіндеріне әсер етуі мүмкін екенін дәлелдеді. Алайда, зақымдану адам вирусты табиғи, ауа-тамшы жолдарымен жұқтырған кезде ғана пайда болады. Бұл жағдайда вирус, тиісінше, онда орналасқан спайк-ақуыздар бүкіл денеге таралады және әртүрлі тіндерде байланыс жасайды. Адамға вакцина жасаған кезде, спайк ақуыздары дельтоидты бұлшықет жасушаларында қалыптасады, өйткені препарат сонда енгізіледі. Содан кейін спайк ақуыздары жасушалардың бетіне шығады, трансмембраналық зәкірлі аймақ есебінен сонда қалады, бұл олардың қанға еніп, бүкіл денеге таралуына жол бермейді. Сонымен қатар, иммундық жүйе жасуша бетіндегі патогенді танып, оған антиденелер қалыптастыра алады.
Бұл коронавирустың спайк ақуызы, біріншіден, вакциналар құрамында болмайтынын, препаратты дельтоид бұлшық етке салдырған соң ғана өндірілетінін дәлелдейді. Екіншіден, осылайша өндірілген ақуыздар қауіпсіз және ағза антиденелер қалыптастыруы үшін ғана қызмет етеді.
Осылайша, доктор Брейдлдың теориясы вакциналардың негізгі принциптері мен механизмдеріне қайшы келеді. Оның болжамдары иммундауға арналған препараттардың ағзаға қалай әсер ететіні туралы жалған түсініктерге негізделген.
Қазақстандықтар коронавирустың спайк ақуыздары туралы фейктерді бұған дейін де таратқан. Пайдаланушылар егілген адамдар жазушада өндірілетін спайк ақуызды тарата алады және оны айналадағыларға жұқтырады деп мәлімдеген болатын.

Фейк: «Егілген адамдар коронавирустың спайк ақуызын бөліп шығарады»

 

Фейктерді әшкерелеу біздің Stopfake.kz Telegram-арнамызда. Бірден шындықты білгіңіз келсе, жазылыңыздар.

Басқа жаңалықтар

Back to top button