Фейк: «Австралиялық ғалымдар COVID-19 қарсы вакцинаға қарсы дәрі әзірледі»
Қазнетте жаңалықтар жүргізушісі австралиялық компания коронавирустық инфекцияға қарсы вакцинаға қарсы дәрі ойлап тапты деп айтқан видео талқылануда. Жарияланым авторларының пікірінше, бұл COVID-19 қарсы вакциналар қауіпті екендігін білдіреді және оларды салғызбау керек еді. Бұл жалған.
Бұл ескі фейк. Ол алғаш рет 2021 жылдың мамырында шыққан. Оны француз AFP агенттігінің фактчекерлері жоққа шығарды. Әлеуметтік желілерде тараған видео үзіндісі австралиялық 7NEWS телеарнасының жаңалықтарынан кесіп алынған. Жүргізуші Тина Алтиери ғалымдардың жаңа препаратпен жүргізген жұмысы туралы айта келе қателеседі. Ол дәрі-дәрмек COVID-19 қарсы вакцинаға арналған дейді. Бірақ, сөзін түзетіп, дәрінің COVID-19 салдарын жоюға арналғанын айтады. Әрине, конспирологтар оның дұрыс сөзін алып тастаған.
Сонымен қатар, австралиялық-америкалық Implicit Bioscience биотехнологиялық фирмасы 2021 жылдың сәуірінде өзінің IC14 препаратын таныстырады. Коронавирустық инфекция жұқтырған науқастарға клиникалық сынақтардың екінші кезеңі тағайындалды. Оған АҚШ-тың бірнеше ауруханасының пациенттері ерікті болып қатысты. IC14 коронавирусты жұқтырған адамдарға өкпенің зақымдануын болдырмауға көмектесу мақсатында жасалған. Препараттың екінші кезеңінің өтуі туралы есеп Интернетте бар.
Фейкті ойлап тапқан адам әлеуметтік желі қолданушыларын әдейі шатастырады. Ол видеоның жүргізуші сөзін түзетіп айтқан бөлігін кесіп тастаған. Іс жүзінде австралиялық биотехнологиялық компания коронавирустық инфекция жұқтырған адамды өлімнен аман алып қалуға көмектесетін препаратты әзірлеумен айналысқан.
