Фейк: «Еуропада COVID-19 қарсы вакциналардан зардап шеккендерді еске алудың халықаралық күні атап өтіледі»
Интернеттің қазақстандық сегментінде 13 мамырда Еуропада COVID-19 қарсы вакцинадан зардап шеккендерді еске алудың халықаралық күні деп жарияланды деген ақпарат тарады. Бұл рас па, анықтайық.
Бұл фейк 2024 жылдың мамырында тараған. Оны «Миф детекторы» порталының журналистері жоққа шығарды.
2023 жылдың 8 мамырында немістің аса танымал емес Zuerst журналы 13 мамырда Испанияда және басқа да испан тілінде сөйлейтін елдерде COVID-19 қарсы вакцинациядан кейін қайтыс болғандарды еске алу күні өткізілетіні туралы мақала жариялады. Басылымның хабарлауынша, бұл бастаманы Afectados por las Vacunas («Вакцинадан зардап шеккендер») деп аталатын топ көтерген. Шамамен сол уақытта танымал емес бірнеше француз сайттарында Францияның бірқатар қалаларында осы күнді атап өту және осы тақырыпқа назар аудару үшін шағын топтар (ондаған) жиналғаны туралы хабарламалар шықты.
Бірде-бір еуропалық мемлекет бұл күнді ресми түрде атап өткен жоқ. ЕО күнтізбесінде де, БҰҰ-ның халықаралық құжаттарында да мұндай күн жоқ.
Кейбір елдерде COVID-19 құрбан болғандарды еске алу күні бар. Мысалы, Италияда ол 18 наурызда өткізіледі. Бұл күндер пандемия кезінде қайтыс болғандарға арналған және оның вакцинацияға қатысы жоқ. Мақсаты – қайтыс болғандарды еске алу, жақынынан айырылғандарға қолдау көрсету және жаһандық ынтымақтастықтың маңыздылығын насихаттау.
13 мамырда Еуропада атап өтілетін COVID-19 қарсы вакцинадан қайтыс болғандарды еске алудың халықаралық күні туралы ақпарат – фейк. Бұл күн ресми түрде ЕО деңгейінде де, БҰҰ-да да танылмайды. Қауесетті аса танымал емес БАҚ таратқан және бастаманы ресми мәртебесі жоқ жекелеген топтар көтерген.
