Дәлелсіз: «Варикозды халықтық әдіспен емдеуге болады»
TikTok-та варикозды тамырларды толық жоятын керемет әдісі туралы видео шықты. Дәрігерлер бұл ақпаратты жасырады екен. Ал емделу үшін төрт-ақ ингредиент қажет екен: пияз, сарымсақ, бал және май. Мән-жайын анықтайық.
Видеода сарымсақ пен пияз шырынын сығып, оған бал мен май қосу керек делінген. Алынған қоспаны зақымдалған тамырларға жағып, 3 сағат жүру керек. Роликті жасаушылардың айтуынша, бұл процедураны күніне 1 рет жасаса, тамырлар көп ұзамай қалпына келеді. Яғни, емнің нәтижесі қашан көрінетіні белгісіз. Осының өзі ойланатын жағдай.
Май мен түрлі қоспаларды жағып, варикозды тамырларды жоюға бола ма? Мұны анықтау үшін оның қандай ауру екенін білген жөн.
Варикозды тамырлар – аяқтың тіндерінде қан тоқырай бастағанда орын алатын тамырлардың патологиялық кеңеюі. ( .) Бұл веноздық қақпақша функциясының өзгеруіне байланысты болады. Қан айналымы тамырлар арқылы төменнен жоғары, артериялармен жоғарыдан төмен қарай жүреді. Ол қақпақшалардың алдында кідіріп отырып жылжиды. Бұл қанның кері ағуын болдырмайды. Әдетте қан бір қақпақшадан екіншісіне еркін айналады. Егер тәртіп бұзылса, сұйықтықтың белгілі бір бөлігі төмен түсуі мүмкін. Олай болса, веноздық қан қысымы көтеріліп, тамырлар кеңейіп, деформацияланады. Осылайша варикозды тамырлар пайда болады.
Варикозды тамырларды емдеу кешенді түрде жүргізілуі керек. Хирургияның негізінде, ал консервативті әдістер көмекші ретінде көп қолданылады. Олардың тиімділігі асыра бағаланған, бұл қате.
Халықтық емдеу құралдары, дәріханадан алынған майлар ауырсынуды уақытша ғана басады. Күн сайын жақпа жақсаңыз да, қақпақшалар дұрыс жұмыс істемейді. Ал ауру өрши түседі.
Интернетте варикозды аралармен, сүліктермен, алма сірке суымен және балшық ванналарымен емдеуге болатын рецептілер бар. Бұл әдістердің барлығы жағдайды қиындатып, орны толмас салдарға әкелуі ықтимал.
Денсаулық мәселелерінде блогерлердің сөзіне сенбеген жөн. Халықтық ем-домның қарсы көрсетілімдері болмаса да, дәрігердің кеңесі қажет. Пияз, сарымсақ, бал және сары май қоспасы варикозды тамырларды толығымен емдейтіні ғылыми тұрғылан дәлелденбеген.
