WhatsApp-та түрмеден қашып кеткен қылмыскерлер туралы фейк ақпарат тарады
Қостанай облысының тұрғындары WhatsApp-та түрмеден қашып кеткен қылмыскерлер туралы ескерту таратуда. Алты қарулы тұтқын Арқалықтағы мекемеден қашып кеткен екен.
Қостанай облысы бойынша Қылмыстық-атқару жүйесі департаменті бұл ақпаратты теріске шығарды.
«Қостанай облысы бойынша Қылмыстық-атқару жүйесі департаменті әлеуметтік желілерде тараған Арқалықтағы түзеу мекемесінен қашып кеткен сотталғандар туралы ақпарат шындыққа жанаспайтынын хабарлайды. Естеріңізге сала кетейік, жалған ақпарат таратқаны үшін қылмыстық жауапкершілік қарастырылған», – деп хабарлады ведомствоның баспасөз қызметі.
Қазнетте бұған дейін де осындай қауесеттер тараған болатын. Пайдаланушылар Павлодар облысында үш қылмыскердің қашып кеткенін хабарлаған. Бұл ақпарат та жалған болып шықты.
