Фейк-аккаунттан келген алаяқтар белгілі қазақстандық блогердің достарынан пайда таппақшы болды
Әлішер Елікбаевтың Facebook-тегі парақшасында хабарланғандай, алаяқтар Telegram-де оның атынан жалған шот жасап, баланы емдеуге ақша сұраған.
“Қазір қиын кезең, алаяқтар белсенді бола түсті.
Телеграм-арнадағы менің достарыма ақшалай көмектесу туралы менің атымнан хат жаза бастады. Кейбіреулерге тіпті таңғы бесте жазған. Құдайға шүкір, менің жазылушыларымның көпшілігі саналы және мен сирек айтатын “ағам” деген сөздің алдында үтір қоятынымды түсінеді”, – деді блоггер.
Хабарламада болған орфографиялық және пунктуациялық қателер Елікбаевтың досына өрескел көрінген, сондықтан алаяқтарға ақша аудармаған.
“Өздеріңізді сақтап, әлеуметтік желілер мен мессенджерлер арқылы қарызға ақша бермеңіздер, тіпті өте қатты өтініп сұрасам да. Әрі кетше ақшалай қолыма алып келіңіз де, байланысқа түспейтіндей, есігімнің астына тастап кетіңіздер.
P. S. Осы жариялыныммен бөлісіңіздер, өйткені қазір сізге, ата-аналарыңызға және туыстарыңызға әр түрлі аккаунттардан жазады. Бұл алаяқтық туралы барлығы жан-жақты хабардар деп ойлауымыз мүмкін, бірақ міндетті түрде ол туралы білмейтіндер адам табылады да, елеулі ақша сомасынан айырылып қалуы мүмкін”, – деді Әлішер Елікбаев оқырмандарына.
Фишинг (ағыл. phishing, fishing — балық аулау, қызмет көрсету) — компьютерлік алаяқтық түрі, оның негізгі мақсаты — алдау арқылы жәбірленушіні өзіне қажетті ақпаратты беруге мәжбүр ету. Бұл заң бойынша қудаланатын компьютерлік қылмыс.
Фишинг-шабуылды қалай тануға болады? Компьютерлік инциденттерге әрекет ету қызметінің кеңестері
Жаңа алаяқтық схемалар күн сайын дерлік пайда болады. Сіз кейбір ерекше белгілерін білетін болсаңыз, алаяқтық хабарларды тануды үйрене аласыз.
Фишингтік хабарлар келесідей болуы мүмкін:
* үрей немесе қауіп тудыратын мәліметтер, мысалы, сіздің банктік шоттарыңызды жабу туралы;
* оңай және еш қиындықсыз үлкен ақшалай пайда табу туралы уәде;
* шындыққа жанаспайтын тым жақсы мәмілелер туралы ақпарат;
* табиғи апаттар туралы жаңалықтардан кейін қайырымдылық ұйымдарының атынан қайырымдылық жасау туралы сұраулар;
* грамматикалық және орфографиялық қателер.
