Фейк: «Вакциналарда нейротоксиндер, аламанның бүйрегі, ит, маймыл және сиырдың қаны бар»
Telegram қолданушылары Жанна Цареградская сөз сөйлеген бейнероликті таратуда. Ол вакциналардың құрамы туралы айтып, «олар биологиялық қару» деп танылды, ал құрамына аламанның бүйрегі, маймыл, сиыр және иттің сарысуы, 40-тан астам нейротоксин және басқа да зиянды заттар кіреді деп мәлімдейді. Бұл жалған.
Жанна Цареградская вакцинацияның қарсы тұлға ретінде белгілі. Ол кез келген вакциналар мен медициналық араласудан бас тартуды белсенді түрде насихаттайды. Бұған дейін біз оның вакцинация – бұл кісі өлтіру әрекеті және медициналық қызметкерлерге полицияға арыз беру керек деген пікірін жоққа шығардық.
Бұл жолы Жанна Цареградская вакциналардың құрамын талқыға салады. Бұл ретте ол қандай вакциналар туралы сөз болып отырғанын нақтыламайды. Ешқандай көрсеткіштер мен сенімді деректерді ұсынбай, олардан болатын «өлім деңгейі жоғары» деп мәлімдейді. Оның айтуынша, вакциналар «биологиялық қару деп танылған».
Шын мәнінде, бүгінгі күні қолданылып жүрген вакциналардың ешқайсысы қару деп танылмаған. Қолдануға рұқсат етілген барлық вакциналар қауіпсіз және тиімді. Олар клиникаға дейінгі және клиникалық сынақтардан өтеді.
Олардың кейбіреулерінде алюминий тұздары мен сынап тимеросалы пайдаланылады. Бұл заттар вакцинаға иммундық реакцияны күшейтуге септігін тигізетін адъюванттар ретінде қолданылады. Оларды қолдану қауіпсіз және аурулардың дамуына әкелмейді.
Өлген жануарлардың жасушалары, қан сарысуы, аламанның бүйрегі және Цареградская тізімдеген басқа да ингредиенттер вакциналар құрамына кірмейді.
Covid-19-ға қарсы иммундауға арналған препараттардың құрамын Желіден табуға болады:
Pfizer/BioNTech;
Moderna;
Janssen;
Astra-Zeneca;
Sputnik – V;
Hayat-Vax (Sinopharm);
QazVac.
Қазақстанда қолданылатын басқа вакциналардың өндірушілері туралы мына жерден оқуға болады.
Демек, Цареградскаяның вакциналар құрамындағы аламандардың бүйрегі мен жануарлардың қаны туралы тұжырымдары негізсіз. Желіде қолданылып жүрген вакциналардың құрамын және олардың ингредиенттері туралы толық ақпаратты табуға болады. Ол атаған компоненттер вакциналарда жоқ.
