Fake News

Манипуляция: «Ауа сапасы COVID-19-дан болатын өлімге әсер етеді»

Қазақстандықтар желіде неміс ғалымдары ауадағы азот диоксидінің концентрациясы мен COVID-19-дан болатын өлім арасындағы байланысты анықтағаны туралы жаңалықты талқылауда. Кейбіреуінің пікірінше, бұл әуеден у шашудың – химтрейлдер теориясының дәлелі.


Галле-Виттенберг университетінің мамандары ауаның ластануы мен COVID-19-дан болатын өлімінің ықтимал байланысы туралы хабарлады. Осы тақырыптағы зерттеу 2020 жылдың сәуір айында жарияланды.
Алайда, мақаладағы аннотацияда «ауадағы азот диоксидінің жоғары деңгейі COVID-19 ауруының салдарынан болатын өлімнің жоғары деңгейімен байланысты болуы мүмкін» және «әлі нақты деректер жоқ» деп жазылған.
Ғалымдар сондай-ақ, «бұл байланыс енді басқа аймақтар үшін зерттеліп, кеңінен зерттелуі енгізілуі керек» деп атап өтті.
Бүгінгі таңда бұл теорияны растайтын қосымша зерттеулер жүргізілмеген.
Сонымен қатар, ұшақтардан заттарды шашуға байланысты ауадағы азот диоксидінің концентрациясы рұқсат етілген нормадан асып кетуі мүмкін деген пікірлер негізсіз. Химтрейл теориясының дұрыстығына дәлел жоқ. Оның үстіне, азот диоксидінің негізгі көзі өнеркәсіптік кәсіпорындар екені белгілі. Тиісінше, бұл заттың ауадағы концентрациясы өнеркәсіптік қалаларда, маңында зауыттар мен фабрикалар орналаспаған ауылдық жерлерге немесе елді мекендерге қарағанда жоғары болады.

 

Фейктерді әшкерелеу біздің Stopfake.kz Telegram-арнамызда. Бірден шындықты білгіңіз келсе, жазылыңыздар.

Басқа жаңалықтар

Back to top button