Фейк: «Вирустар жоқ»
Әлеуметтік желілерде тараған видеода табиғатта вирустар жоқ, оны адамдар ойлап тапты делінген. Мұны неміс ғалымы Штефан Ланка дәлелдеді. Алайда, бұл конспирологиялық идеяның ғылыми негізі жоқ және шындыққа сәйкес келмейді.
Иосиф Сталиннің шөбересі Яков Джугашвили осындай мәлімдеме жасады. Ол дәрігер емес және болған емес, ол суретші. Видеода Джугашвили вирусологтардың зерттеу процесі туралы айтады. Олар COVID-19 жұқтырған пациенттерден бронх сұйықтығының үлгілерін алады. Дәрігерлер жасушаларға әртүрлі антибиотиктермен әсер еткенде, олар ыдырап, экзосомалар шығарады. Джугашвилидің айтуынша, осы экзосомаларды SARS-CoV-2 вирусы деп ойлайды. Өз сөзінің дәлелі ретінде дені сау адамнан үлгі алып, осы сияқты нәтижеге қол жеткізген Стефан Ланк экспериментін келтіреді. Джугашвилидің пікірінше, вирустар жоқ, тек экзосомалар ғана бар.
Ғылыми журналдардың ешқайсысында Джугашвили сүйеніп отырған Штефан Ланканың зерттеуі туралы ақпарат жоқ.
Voxukraine.org фактчекерлері экзосомалар мен COVID-19 екеуі бірдей деген жалған пікірді 2020 жылы жоққа шығарды. Оны британдық конспиролог Дэвид Айк таратқан.
Шындығында, экзосомалар мен COVID-19 – екеуі екі түрлі нәрсе. COVID-19 – бұл SARS-CoV-2 вирусынан туындаған ауру, ал экзосомалар – бұл жасушалар басқа жасушалармен байланысу үшін шығаратын ұсақ бөлшектер. Олар нуклеин қышқылдарын, ақуыздарды және майларды тасымалдайды. Егер жасушаға вирус жұқса, экзосомалар вирустық компоненттерді басқа жасушаларға бере алады. Экзосомалар стресс кезінде пайда болады, бірақ ағзада коронавирус болмаса, олардың таралуы осы вируспен байланысты болмайды.
Неміс вирусологы Штефан Ланка – белшілі конспиролог, оны әріптестері сынға алып, елемейді. Оның пікірінше, ЖИТС АИТВ вирусын тудырмайды, ал ЖИТС гомосексуалды ерлерде химиотерапиялық препараттарды сынау үшін жасалған. Сонымен қатар, Ланканың айтуынша, H5N1 құс тұмауы вирусын тудырмайды. Қазіргі заманғы медицина диктаторлық және демократиялық емес режимдерді қолдайды екен.
Видеода Джугашвили Ланка қызылша вирусының бар екенін дәлелдеген кез келген адамға 100 мың еуро беретінін айтады. Мұны ешкім дәлелдей алмаған, демек, ол жеңді. Іс жүзінде олай емес.
Дәрігер Дэвид Барденс алдымен оның шын айтып отырғанын тексеріп, содан кейін Ланкаға қызылша вирусы туралы ғылыми жарияланымдар берген. Штефан Ланканың бұл дәлелдерді қабылдағысы келмеген, сондықтан Барденс ақшаны сот арқылы талап еткен. Равенсбург аудандық соты дәлелдер жетерлік және айтылған соманы төлеу керек деп шешеді. Ланкабұл шешімді мойындамай, оны Жоғарғы Аймақтық сотта даулайды.
2023 жылы тараған фейкте судьялар қызылша вирусы жоқ деп мойындады делінген. Бұл мифті Reuters халықаралық агенттігінің фактчекерлері жоққа шығарды.
Ланка вирустар жоқ дегені үшін көптеген антинаградалар алған. Оған жылдың ең үлкен ғылымға қарсы бос сөзі үшін «Алтын тақта» берілді. Парағылымдар ғылыми зерттеулер қоғамының (GWUP) мәліметтері бойынша, Ланка ЖИТС, Эбола немесе қызылша сияқты жұқпалы аурулар вирустармен берілмейді және оларды зерттеу мүмкін емес деген. Сондай-ақ оған ғылымға қарсы атышулы мәлімдемелер үшін берілетін Швейцария радиосының сыйлығы табысталды. Ол эзотерикалық немесе ғылыми емес идеялар таратқан және ғылыми фактілерді мүлдем қабылдамайтын адамдарға немесе ұйымдарға беріледі.
Яков Джугашвили белгілі конспиролог Штефан Ланктың идеяларын қайталап отыр. Экзосомалар мен вирустар – бұл екі түрлі құбылыстар, оларды шатастыруға болмайды. Ғылыми зерттеулер мен фактілер вирустардың болуын нақты растайды және оларды жоққа шығаруға ғылыми негіз жоқ.
