Конспирология: «Глобалистер әлем бойынша электр қуатын өшіруді жоспарлап отыр»
Пайдаланушылар әлеуметтік желілерде глобалистер жақын арада әлемде электр қуатын өшірмек және әр елде суық, аштық пен аласапыран орнатпақ деп жазуда. Мұның бәрі жаңа әлемдік тәртіпке көшу үшін қажет екен. Бұл жалған.
Жаһандық электр қуатын өшіру және одан кейінгі хаос – бұл ақыр заман туралы фильмдер мен сериалдарда көп қолданылатын тақырып. 2022 жылдың қарашасында қарым-қатынас бойынша жаттықтырушы және жазушы Денис Ньюак «Жаһандық өшіруге дайындық. Теледидар мен кино апаттарына арналған нұсқаулық» атты кітап та шығарған. Онда ол электр қуатынсыз қалған әр түрлі кино кейіпкерлері тап болған мәселелерді шешу жолдарын ұсынған. Бұл кітаптың қандай да бір элитаға жататын адамдар тобының әлемде электр қуатын өшіру жоспары барын дәлелдейтініне сенуге негіз жоқ.
Дегенмен, ғалымдардың пікірінше, ауқымды электр қуатын өшіру жағдайлары орын алуы ықтимал, бірақ бұл «глобалистерге» тиімді болғандықтан емес, күн белсенділігіне байланысты орын алады. Атап айтқанда, күннің коронарлық массасының көп шығарылуы Жердегі электр құрылғыларын істен шығаруы мүмкін. Мұндай жағдай 1959 жылы болған. Коронарлық массаның көп шығарылуына байланысты Жердің кейбір аймақтарында телеграф жүйесі мен басқа да техниканың жұмысында ақаулар байқалды. Ол «Кэррингтон оқиғасы» деп аталды.
Жаппай блэкауте туралы таралған хабарлама мәтінінде жұмбақ глобалистер Жер бетінде орнатқысы келетін жаңа әлемдік тәртіп туралы да айтылады. Шын мәнінде, әлемді басқаратын және барлық елдердің президенттерін басқаратын адамдардың бар екені туралы теория – нағыз конспирология. Бұл теорияға сәйкес, әлемде барлық елдердің егемендігін, отбасы мен жеке меншік институттарын жоюды көздейтін жаңа әлемдік тәртіп орнатылады. Бұған дәлелдер жоқ.
Демек, таралған ақпарат – фейк және оған сенбеген жөн.
