Фейк: «Билл Гейтстің гендік-модификацияланған масалары қауіпті ауруларды жұқтырады»
Telegram каналдар Билл Гейтстің қаражаты есебінен зертханада жасалған гендік-модификацияланған масалардың Еуропада қауіпті вирустарды таратып жатқаны туралы ақпарат таратады. Бұл рас па? Анықтайық.
Алдымен ГМО масаларға тоқталайық. Бұл жәндіктер Желіде жазылғандай 2022 жылы емес, одан ертерек пайда болған. Оларды 2015 жылы шығарған және бұл тәжірибелердің нәтижелері өте жақсы болды.
Олардың мәні масаларға Зика вирусы, Денге, чикунгунья ауруы және сары безгектің қоздырғышы сияқты қоздырғыштарды тасымалдау қабілетін тежейтін Wolbachia бактериясын жұқтыру болды.
2015 жылы мұндай масалар Индонезияда ұшырылып, шаралардың тиімділігін бағалау үшін бірден рандомизацияланған бақыланатын сынақ басталды. Wolbachia бактериясы бар масалар ұшырылғаннан кейін денге ауруына шалдығу жағдайлары 77%-ға, ал осы диагнозбен ауруханаға жатқызу саны 86%-ға төмендегені анықталды.
Зерттеу аяқталғаннан кейін зертханада өсірілген масалар 11 елде ұшырылды: Бразилия, Колумбия, Мексика, Индонезия, Шри-Ланка, Вьетнам, Австралия, Фиджи, Кирибати, Жаңа Каледония және Вануату.
Денге, чикунгунья, Батыс Ніл безгегі және Зика вирусын тарататын қауіпті масалар 2023 жылы зертханалық өсірілген жәндіктер шығарылмаған Еуропада тіркелді. Сонымен қатар, бұл масалар азиялық жолбарыс масаларының түрлеріне жатады. Зертханалық жәндіктер туралы видеода азиялық жолбарыстар емес, жай масалар көрсетілген.
Демек, Еуропада табылған қауіпті масалар Билл Гейтс демеушілік еткен зертханалық масалар емес. Біріншіден, олар масалардың басқа түрлеріне жатады, екіншіден, зертханаларда өсірілген масалар Еуропа аумағында ұшырылмаған, үшіншіден, зертханалық масалар адамдарға ауру жұқтыра алмайды.
Олай болса, таралған ақпарат фейк және манипуляция болып табылады.
