Фейк: «Билл Гейтс мал шаруашылығы саласының жойылуына демеушілік жасайды»
Әлеуметтік желілерде миллиардер Билл Гейтстің мал шаруашылығы саласының жойылуына әкелетін Стартапқа ақша салғаны туралы жазады. Бұл шынымен де солай ма, жоқ па, соны анықтаймыз.
Microsoft-тың негізін қалаушысының жаңа стартапқа инвестиция салғысы келетіні туралы жаңалық 2023 жылдың 24 қаңтарында БАҚ-та жарияланды. Онда Гейтстің австралиялық Rumin8 компаниясына 16 миллион евро инвестициялауға дайын екендігі айтылды.
Аталған компанияның ресми сайтында олардың мақсаты 2030 жылға қарай 100 миллион сиырдың атмосфераға метан шығаруын тоқтату екені жазылған. Бұған жануарларды өлтіру арқылы емес, олардың диетасын өзгерту арқылы қол жеткізілмек. Жоба авторлары зерттеу жүргізіп, оның аясында жануарлардың тағамына қызыл балдырларда кездесетін арнайы зат қосып отырған. Бұл асқазан-ішек жолында метанның пайда болуына жол бермейді. Сынақ нәтижелері көрсеткендей, мұндай тағамдық қоспалар метан шығарындыларын 85%-дан артық азайтады. Яғни, бір сиырға жылына екі тонна көміртегі шығарындысынан келеді.
Билл Гейтс мал шаруашылығын жоятын компанияға емес, қоршаған ортаға зиян келтірмей мал өсіруге мүмкіндік беретін стартапқа инвестиция салуға ниетті.
Бұл өте маңызды, өйткені ірі қара мал өмірінде планетадағы барлық CO2 шығарындыларының жалпы санының 5%-ын шығарады.
Демек, Билл Гейтстің мал шаруашылығын жою жөніндегі жоспарлары туралы таралған хабарлама – фейк.
