Фейк: «Неміс ғалымы екпелер компоненттерін ағзадан шығаратын эликсир ойлап тапты»
Telegram қолданушылары вакцинацияланған адамның ағзасынан зиянды токсиндерді шығаратын эликсир жарнамасымен бөлісуде. Бұл құрал егілмеген адамдарды көптеген вирустардан, соның ішінде SARS-COV-2-ден қорғайды екен. Бұл шындыққа жанаспайды.
Құрал екі түрлі неміс сайттарында сатылады. Оның сипаттамасында эликсирді неміс дәрігері-натуропат Манфред Доэпп ойлап тапқан деп жазылған. Сондай-ақ, сайтта эликсирдің құрамы көрсетілген – ол алты табиғи заттан тұрады: бақбақ, цитрус қабығы, мия тамыры, қарағай инелері, анар қабығы және қызыл пияз.
Сонымен қатар бұл дәрінің қай кезде көмектесетіні жазылған – «ағзадағы вакциналар құрамын бейтараптандырады, сонымен қатар Covid және басқа да вирустық инфекцияларға әсер етеді». Бұл ретте басқа сайтта сатылып отырған дәрінің қандай аурулармен ауырғанда көмектесетіні туралы айтылмайды.
Эликсирдің құрамындағы өсімдіктердің пайдалы қасиеттерге ие екені рас. Бақбақ қан қысымын төмендетіп, иммунитетті арттырады, сүйек пен ас қорытуды жақсартады. Цитрустар бүйректе тастың пайда болу қаупін азайтады, жүрек денсаулығын жақсартады. Мия тамыры асқазанға көмектеседі және тіс жегідеен қорғайды. Бірақ мия тамырын шамадан тыс тұтыну ағзада глицирризиннің пайда болуына әкелуі мүмкін, бұл кортизол деңгейін жоғарылату арқылы стресс тудырады (стресс гормоны), қан қысымын жоғарылатады, бұлшықет әлсіздігін және жүрек соғысын тудырады. Анар микробқа қарсы қасиеттерге ие, төзімділікті жақсартады. Пияз сүйектерді нығайтады, ас қорытуды жақсартады және жүрек денсаулығын сақтайды.
Сондай-ақ дәрі-дәрмек сатылатын сайтта бақбақа, мия тамыры және анар COVID-19 вирусына қарсы тиімді деп жазылған. Өсімдіктердің қабынуға қарсы әсері бар. Өсімдік заттарының SARS вирусына әсері туралы зерттеулер жүргізілді, бұл жасуша инфекциясының алдын алды. Бірақ бұл зерттеулер тек in vitro, яғни зертханалық жағдайда түтікшеде ғана жүргізілді. Бұл өсімдіктер коронавирусқа қарсы дәрі ретінде пайдаланылмайды.
Сонымен қатар композициядағы барлық өсімдіктер дәрумендерге бай және құрамында антиоксиданттар бар. Антиоксиданттар – бұл адам ағзасынан бос радикалдарды кетіретін қосылыстар. Еркін радикалдар ағзаға зиян келтіреді, өйткені олар жасушаларды және иммундық жүйені бұзады. Антиоксиданттар өсімдіктер құрамында әртүрлі мөлшерде болады – 100 грамм өнімге 1-2-ден 1000 бірлікке дейін. Ересек адам үшін күнделікті норма – шамамен 5000 бірлік.
Антиоксиданттар бос радикалдарды жойып, денені аурулардан қорғайды. Бірақ шамадан тыс тұтыну зиян келтіруі мүмкін, мысалы, физикалық көрсеткіштерді нашарлатады немесе қатерлі ісік ауруының болу қаупін арттырады, өйткені антиоксиданттар көп мөлшерде қатерлі ісік ауруының дамуын тездетуі мүмкін.
Сондықтан жарнамаланған эликсир табиғи ингредиенттерден тұрса да, шамадан тыс тұтынған жағдайда адам денсаулығына зиян тигізуі мүмкін. Сонымен қатар дәрі-дәрмектің вакциналардың құрамын ағзадан шығаратындығына ғылыми дәлелдер жоқ, өйткені мұндай зерттеулер жүргізілмеген. Препарат құрамындағы кейбір өсімдіктердің адамдарға қатысты COVID-19-ға қарсы тиімді қасиеттері анықталмаған. Зерттеулер тек түтікшеде жүргізілді, оның нәтижесі бойынша вирустың жасушалардың инфекция жұқтыруы ғана тоқтаған, бірақ ауру жұқтырған жасушалар өлмеген және емделмеген.
