Жаңалықтар

Манипуляция: «АҚШ пандемиядан бас тартты»

Әлеуметтік желілерде АҚШ пандемиядан бас тартты деген ақпарат таратылуда. Видео авторы америкалық үкімет COVID-19-дан болған өлім-жітім туралы деректерді жинауды тоқтатты деген жарияланымнан кейін осындай қорытынды жасады. Бұл манипуляция.


АҚШ федералды үкіметінің COVID-19-дан қайтыс болу туралы күнделікті есептерді жинаудан бас тартқаны рас. 2022 жылғы 6 қаңтарда АҚШ Денсаулық сақтау және әлеуметтік қызмет көрсету министрлігі (HHS) ауруханалар Денсаулық сақтау министрлігіне есеп беретін жаңа нұсқаулар шығарды. Жаңа құжат бойынша медициналық ұйымдар әр күннің соңында коронавирустық инфекциядан қайтыс болғандар туралы мәлімет бермейді. Ал КВИ расталған жаңа түскен науқастар туралы күнделікті есептер міндетті болып қалды.
Алайда, бұл АҚШ-та коронавирустан болған өлім-жітім бойынша статистика жүргізуді тоқтатты дегеннің белгісі емес. Ауруханалар әлі де болса қайтыс болғандар туралы мәліметтерді штаттың денсаулық сақтау органдарына, ал штаттар арқылы Ауруларды бақылау және алдын алу орталықтарына (CDC) жібереді.
«COVID-тен болған өлімі туралы мәліметтер көпшілікке қол жетімді болып қала береді», – деді АҚШ Денсаулық сақтау және әлеуметтік қызмет көрсету департаментінің қоғаммен байланыс жөніндегі хатшысының көмекшісі CDC-ге сілтеме жасай отырып.

«Ауруханалар денсаулық сақтау министрлігіне COVID-19 өлімі туралы күн сайын есеп бермейді. Бірақ бұл CDC-ге осы деректерді жіберетін жергілікті денсаулық сақтау органдарына барлық осындай жағдайлар туралы хабарлаудың қажеті жоқ дегеннің белгісі емес. Біз әлі де өлім-жітімді есептейміз», – деді Atlantic журналисті және COVID бақылау жобасының негізін қалаушы Эрин Киссане.

Осылайша, АҚШ пандемиядан бас тартты, сондай-ақ COVID-19 болатын өлім бұдан былай тіркелмейді деген тұжырымдар негізсіз және манипуляция болып табылады.

 

Фейктерді әшкерелеу біздің Stopfake.kz Telegram-арнамызда. Бірден шындықты білгіңіз келсе, жазылыңыздар.

Басқа жаңалықтар

Back to top button