Фейк: «Адам мен тасбақаның ДНҚ-сы 85%-ға ұқсас»
Telegram арналарында адам мен тасбақаның ДНҚ-сы 85%-ға ұқсас деген ақпарат тарады. Дұрыс тамақтанбау мен ұйқының қанбауына байланысты адамдар бұл баяу қозғалатын рептилияға қарағанда жер бетінде әлдеқайда аз өмір сүреді екен. Бұл мәлімдеме жалған.
Генетикалық тұрғыдан алғанда, адамдар жер бетіндегі барлық жануарлар әлеміне ұқсайды. Мысалы, Адам геномы ұлттық зерттеу институтының мәліметі бойынша, адам мен жеміс шыбынының гендері 60% сәйкес келеді.
Сондай-ақ, генетикалық тұрғыдан адам 96% шимпанзеге, 60% тауық пен бананға ұқсайды.
Бірақ генетикалық жағынан ұқсас болу ДНҚ да бірдей болады деген сөз емес. Ақуыздарды кодтау үшін 1-2% дезоксирибонуклеин қышқылы қолданылады. Демек, қалған бөлігі басқа нәрсемен айналысады. Бүгінде ғалымдар бұл бөлікті «кодталмаған ДНҚ» деп атайды және оның функцияларын анықтауға тырысуда. Сондықтан, банан генетикалық жағынан адамға ұқсас болғанымен, оның адамдармен ортақ ДНҚ-сы небәрі 1,2% құрайды.
Бүгінгі таңда құстардың 50 және жануарлардың 250-ден астам түрінің геномы секвенирленген. Бұл тізім жыл сайын артып келеді.
Адамдар мен тасбақаларда қандай ортақ нәрсе бар? Вена медициналық университетінің ғалымдары молекулалық биолог Леопольд Экхарттың жетекшілігімен адам мен рептилиялардың геномдарын салыстырды. Зерттеушілер терінің маңызды ақуыздарының гендері 310 миллион жыл бұрын адамдар мен тасбақалардың ортақ тобынан шыққанын анықтады. Бұл туралы мақала Molecular Biology and Evolution журналында жарияланған. Ғалымдар болашақта ақуыздардың қалай әрекеттесетінін түсінуге болады деп үміттенеді. Бұл білім медицинада пайдалы болады. Мысалы, псориаз сияқты тері ауруларын емдеу үшін.
Сондай-ақ, зерттеушілер батыс боялған тасбақаның геномын анықтай алды. Бұл жер бетінде ең көп таралған бауырымен жорғалаушылардың бірі. Тасбақа қыста судың түбінде ұйқыға кетеді. Оның бірегей оттегі ашығуына қарсы тұру қабілетін ғалымдар ерекше назарына алды. Егер олар анабиоз кезінде тасбақалардың миы мен жүрегін қалай қорғайтынын анықтаса, бұл жүрек ауруын емдеуді жақсартады.
Адам мен тасбақаның ДНҚ-сы 85% сәйкес келетініне ғылыми дәлелдер жоқ. Екі түрдің генетикалық құрамы мүлдем әртүрле.
