Фейк: «Ауыз суға антибиотиктер мен гормондар қосады»
Қазнет пайдаланушылары ДДСҰ ұсынымдарына сәйкес ауыз суға антибиотиктер мен гормондар қосатыны туралы үрейлі хабарламалармен бөлісуде. Олар Роспотребнадзор басшысы Анна Поповамен сұхбаттан үзіндіні көргеннен кейін осындай қорытындыға келген. Оның не айтқанын және бұл адамдарды қауіпті дәрі-дәрмекпен әдейі улаудың белгісі ме, түсіндірейік.
Желіде тараған сұхбаттың толық нұсқасын оңай табуға болады.
Сұхбаттың 16 минут 23 секундында Анна Попова былай дейді:
«Біз ауыз суда гормондардың, антибиотиктердің қосымша қатарының болуы үшін міндетті нормативтерді енгіздік. Оларды еуропалық, ДДСҰ нормативтерінің барлық көлемімен үйлестірдік».
Сұхбат барысында Роспотребнадзор немесе басқа мемлекеттік органдар суға антибиотиктер мен гормондар қосатыны туралы айтылған жоқ. Тиісінше, бұл үзінді мемлекеттік органдардың билік суды әдейі улайтынын мойындауының белгісі деп санауға болмайды.
Сонымен қатар, оның сөздері ДДСҰ немесе басқа халықаралық ұйымдар суға дәрі-дәрмек қосуды ұсынатынын қуаттамайды. Керісінше, ДДСҰ-ның 2011 жылы жарияланған «Ауыз судағы дәрі-дәрмек» құжатында белгілі бір препараттарды сумен жабдықтау жүйелеріне қосу механизмін сипатталған. Жарияланған мәліметтерге сәйкес, антибиотиктер, гормондар және басқа химиялық элементтер сумен жабдықтау жүйесіне кәріз бен жер асты суларынан, ал оларға өз кезегінде полигондардан және медициналық қалдықтарды дұрыс пайдаланбау нәтижесінде енеді.
Сондай-ақ, құжатта ауыз суда дәрі-дәрмектің болуы адамдардың денсаулығы үшін қауіпті екендігі айтылған. Ұйым мамандары суды осындай қоспалардан тазартуды және ауыз судағы дәрі-дәрмектің деңгейін үнемі бақылауға кеңес береді.
ДДСҰ құжатында сипатталған антибиотиктер мен гормоналды препараттардың ауыз суға түсу механизмі ғалымдардың зерттеулерімен де расталады. Анна Попова сұхбатында айтқан стандарттар ауыз суда дәрі-дәрмектің жоғары концентрациясын болдырмау үшін енгізіледі.
Сумен жабдықтау жүйесіне берер алдында ауыз суды фильтрден өткізеді. Бұл процесс бірнеше кезеңнен тұрады, олардың барысында антибиотиктер мен гормондар қосылмайды. Алдымен суды ультракүлгін сәулемен сәулелендіреді, содан кейін арнайы реагенттермен ағартады, содан кейін хлорлайды, фильтрден өткізіп, тұндырады.
Демек, Анна Попова билік ауыз суға антибиотиктер мен гормондар қосады деп айтқан жоқ. Ол Ресейде бұл заттардың медициналық қалдықтар үйінділері жанында ағып жатқан кәріз бен жер асты суларынан келетін ауыз су құрамындағы мөлшерін шектейтін норматив өзгертіліп, пысықталғанын хабарлады.
