Фейк: «Димаш өз клипінде Қазақстанның ақырзаманнан кейінгі болашағын болжады»
Қазнет қолданушылары Димаш Құдайбергеннің Golden әніне түсірген жаңа бейнебаянын талқылауда. Кейбіреулер клипте еліміздің ақырзаманнан кейінгі қорқынышты болашағын сипаттайтын құпия белгілерді байқаған: адамдар түстер бойынша касталарға бөлінген, олардың кейбіреулері торда отыруға мәжбүр. Бұл теория шындыққа жанаспайды.
Қазақстандық орындаушының Golden әніне арналған клипі үстіміздегі жылдың 31 қаңтарында көрерменге жол тартты. Бірнеше сағаттың ішінде оны 166 мың адам тамашалап, 5,6 пікір жазылған.
YouTube платформасында видеоның астында сюжеттің сипаттамасы жазылған, оған сәйкес Димаштың өзі беделі күмәнді қаржы ұйымының серверлеріне хакерлік шабуыл жасаған кибер-қылмыскерді ойнайды. Басты кейіпкер ұрланған ақшаны қарапайым азаматтарға таратады. Соңғы көріністе заманауи Робин Гуд ғашығын қайтару үшін жағымсыз кейіпкермен күреседі. Ол көмекке келген мегаполис тұрғындарымен бірге жеңіске жетеді.
Оқиға үлкен болашақ қаласында өтеді, бірақ нақты географиялық орналасуы сипаттамада да, басқа жерде де аталмайды. Мегаполис – көптеген мәдениеттер мен ұлттардың тоғысқан жері деуге болады, өйткені кадрларда көрінген маңдайша жазулар ағылшын және қазақ тілдерінде ұсынылған.
Дәл осы неон жазуларды көріп, қолданушылар адамдарды «сары», «қызыл» және «көк» түстер бойынша бөледі деп ойлап қалған болар. Бірақ неон әріптерден құралған сөз бұл теорияға қайшы келеді. Мысалы, көк түспен Liberty (Бостандық-ағылш.), сарымен дүкеннің атауы жазылған сияқты, өйткені онда Azyq Tu’lik деп жазылған.
Қызыл жақтаудағы белгіде сары гамбургер бейнеленген және Tamaq деп жазылған. Адамдардың касталарының бірі қамалған «тор», шын мәнінде, қыздар билейтін пилондары бар тұғырға ұқсайды. Сонымен қатар, видеода адамдардың өздері түрлі түсті киім киіп, ешқандай ерекшелік белгілерін тақпаған. Мысалы, метро вагонында адамдар қызыл, сұр, ақ, ашық қоңыр және басқа түсті киімдермен жүреді.
Димаш Құдайбергеннің шығармашылығының жанкүйерлері бейнебаянда қазіргі заманның танымал кинокартиналарынан көріністерді байқаған. Видеодағы атмосфера, антураж және кейбір жағдайлар Ридли Скоттың «Пышақ жүзімен жүру» (1982) фильміне ұқсайды. және “қару-жарақтағы елес”, оның негізі танымал жапон манга болды.
Сондай-ақ, музыкалық видеода метро вагонында Дәу Аға бейнеленген плакаттар мен Big Brother is watching you деген жазуды көруге болады. Бұл Джордж Оруэллдің «1984» әйгілі антиутопиясынан алынған.
Бұл туындылардың да, видео сюжетінің де Қазақстанға еш қатысы жоқ. Клипте адамдар касталарға бөлінбейді. Сондай-ақ, танымал орындаушы еліміздің болашағын болжады деп айтуға негіз жоқ.
