Жаңалықтар

Қытай адамдарды қамауға алу арқылы COVID-19 жеңді – фейк

Интернетте Қытай індеттің таралуына жауапты барлық шенеуніктерді трибуналға беріп, COVID-19 жеңді деген ақпарат таратылуда. Хабарлама авторының пайымдауынша, Аспан асты елінде бірде-бір науқас қалмаған және «саяси вирус тоқтатылды».

Бұл ақпарат шындыққа жанаспайды.

Бүгінгі таңда Қытайда 392 адам коронавирустық инфекция жұқтырған. Олардың біреуінің жағдайы ауыр.

Сондай-ақ, Қытай билігінің жоғарғы сатысында биыл айтарлықтай өзгерістер болмаған. 2013 жылы қызметке кіріскен Ли Кэцян әлі де ҚХР Мемлекеттік кеңесінің премьері. Барлық министрліктердің басшылары да өз қызметтерінде отыр. Кейбір ведомстволардың басшылары 2007 жылдан бері өз қызметтерін атқарып келеді. ҚХР министрлер кабинетіндегі соңғы ірі өзгерістер 2018 жылы болған. Содан кейін жаңа ұлттық қорғаныс министрі мен қаржы министрі тағайындалды. Осыдан кейін министрліктерде кадрлық өзгерістер болған жоқ.

Сонымен қатар, Қытай саясаткерлерінің 2020 жылы жаппай ұсталуы және тұтқындалуы туралы ақпарат жоқ. Шенеунікті қамауға алу туралы соңғы атышулы оқиға өткен жылдың қыркүйегінде орын алған. Сол кезде Даньчжоудың бұрынғы мэрінің иелігінде бірнеше үй, 13 тонна алтын мен миллиондаған доллар болғаны анықталды.

 

Фейктерді әшкерелеу – біздің Stopfake.kz Telegram-арнамызда. Бірден шындықты білгіңіз келсе, жазылыңыздар.

Басқа жаңалықтар

Back to top button