Пікірлер
Фейк: «Студенттерге жаз айларында стипендия төлеу тоқтатылады»
WhatsApp-та биылдан бастап студенттерге жаз айларында стипендия төлеу тоқтататыны туралы ақпарат тарады. «Мемлекеттік стипендияларды тағайындау, төлеу қағидалары және олардың мөлшерлерін бекіту туралы» Үкімет қаулысына тиісті өзгерістер енгізілген екен. ҚР Ғылым және жоғары білім министрлігі бұл ақпаратқа қатысты пікір білдірді.
Ведомствоның хабарлауынша, таралған ақпарат шындыққа сәйкес келмейді. Тиісті өзгерістер қаулыға енгізілмеген.
– ҚР Үкіметінің 2008 жылғы 7 ақпандағы №116 қаулысына сәйкес Министрлік шілде айында студенттерге екі айдың, яғни шілде және тамыз айларының стипендиясын аударады, – деп хабарлады ҒЖБМ баспасөз қызметі.
