Фейк: «Адамдардың ауыз суға құқығы жоқ»
Telegram-да адамдардың ауыз суға құқығы жоқ екендігі туралы хабарлама тарады. Бұл туралы Nestle компаниясының бас директоры Питер Брабек-Летмат айтқан екен. Бұл рас па?
Адамдардың ауыз суға еркін қол жеткізу құқығы БҰҰ-ның 2010 жылғы шілдеде қабылданған 64-292 қарарында бекітілген.
Оны ешкім жойған жоқ және келіспеушілік танытпаған. Питер Брабек-Летмат та мұндай әрекет жасамаған. Ол қарапайым адамдар суға қол жеткізе алмауы керек және жердегі барлық сұйықтық қорлары таңдаулы адамдардың бақылауында болуы керек деп айтқан емес. Керісінше, ол барлық континенттердің тұрғындары үшін суға тең дәрежеде қол жеткізу идеясын қолдап, бірнеше рет сөз сөйлеген. Дәл осы тұрғыда ол суды ақылы ету керек деп айтқан жоқ. Оның пікірінше, егер бұл ресурс ақшаға алынатын болса, онда елдер оны ақылға қонымды түрде қолдана бастайды. Ал үнемделген су шөлейтті және құрғақшылықтан зардап шегетін аймақтарды қамтамасыз етуге жетеді.
Питер Брабек-Летмат Жер тұрғындары арасында ресурстарды тең бөлу тақырыбында бірнеше рет баяндама жасаған. Бірақ қарапайым адамдар таза суға немесе басқа да игіліктерге қол жеткізу құқығынан айырылуы керек деп айтқан емес.
Қорыта айтқанда, таралған ақпарат – фейк және оған сенудің қажеті жоқ.
