Жаңалықтар

Фейк: «Илон Маск Билл Гейтс COVID-19 қарсы вакциналарға құпия ингредиенттер қосты деп мәлімдеді»

Қазақстандықтар әлеуметтік желілерде миллиардер және Tesla мен SpaceX компанияларының негізін қалаушысы өзінің Twitter-дегі парақшасында Билл Гейтсті COVID-19-ға қарсы вакциналарға құпия ингредиенттер қосты деп айыптап жазғаны туралы айтуда. Бұл жалған.


Пайдаланушылардің сөзінше, миллиардерлер арасында онлайн-келіспеушілік орын алған. Оның барысында Маск Microsoft-тың негізін қалаушыны Twitter Маскқа сатылған жағдайда оған бойкот жариялауға шақырды деп айыптаған.
SpaceX негізін қалаушы тіпті өзіне жазылған адамдарға: «Тұра тұрыңыздар, сіздер әлі оның вакциналарға не қосқанын білмейсіздер», – деп жазған екен. Іс жүзінде Маск мұндай ештеңе жазбаған.
Барлық хат-хабар Twitter-де қол жетімді.
Онда вакциналар туралы постты Илон маскаға емес, @andItoldyaso лақап атымен белгілі пайдаланушының жазғанын көруге болады.

Билл Гейтс COVID-19 қарсы вакциналарға бір нәрсе қосты деп болжау қисынсыз. Бүгінгі таңда әлемде 38 вакцина тіркеліп, мақұлданды. Қазіргі кезде тағы 203 препарат зерттелуде. Билл Гейтстің барлығына емес, тым құрығанда олардың біреуінің өндіріс процесіне тікелей қатыса алды деуге негіз жоқ. 
Бұл вакциналардың құрамы құпия емес және онымен Желіде танысуға болады. Атап айтқанда, Қазақстанда тіркелген COVID-19 алдын алуға арналған препараттар туралы толық ақпарат ҚР ДСМ Медициналық және фармацевтикалық бақылау комитетінің сайтында ұсынылған. 
Демек, Илон Маск Билл Гейтсті вакциналарға құпия ингредиенттер қосады деп айыптағаны туралы ақпарат – фейк.

 

Фейктерді әшкерелеу біздің Stopfake.kz Telegram-арнамызда. Бірден шындықты білгіңіз келсе, жазылыңыздар.

Басқа жаңалықтар

Back to top button