Жаңалықтар

Фейк: «Halyk Bank әрбір қазақстандыққа 500 000 теңге және одан артық төлеуге міндеттелді»

Instagram-да Halyk Bank әрбір қазақстандыққа 500 000 теңге және одан артық көлемде ақша төлеуге міндеттелгені туралы ақпарат тарады. Төлемді алу үшін сілтеме бойынша өтіп, онлайн-платформада тіркелу қажет. Мұның бәрі – фейк.


Бұл – алаяқтардың ісі. ҚР Қаржы министрлігі бұл ақпаратты жоққа шығарды.

– Постта Қазақстан Республикасы Премьер-Министрінің орынбасары – Қаржы министрі Е.Жамаубаевтың суреті берілген. Бұл ақпараттың Қазақстан Республикасының Қаржы министрлігіне, сондай-ақ Премьер-Министрдің орынбасары-Қаржы министрі Е.Жамаубаевқа қатысы жоқ. Оны алаяқтар таратқан, бұл ақпарат – фейк. Мұндай сілтемелер бойынша өтпеуіңізді сұраймыз, – деп хабарлады ведомствоның баспасөз қызметі.

Баршаңызды түрлі төлемдер төленетіні туралы күмәнді хабарламаларға сенбеуге шақырамыз. Әдетте бұл желі қолданушыларының жеке мәліметтері мен қаражатын иемденуді мақсат еткен алаяқтардың ісі болады.

 

Фейктерді әшкерелеу біздің Stopfake.kz Telegram-арнамызда. Бірден шындықты білгіңіз келсе, жазылыңыздар.

Басқа жаңалықтар

Back to top button