Манипуляция: «дельта» және «омикрон» атауларының анаграммасы – «медиа бақылау» болып табылады
Желіде тағы бір қастандық теориясы таралуда. Ол бойынша «дельта» және «омикрон» сөздері «медиа бақылау» тіркесінің анаграммасы болып табылады. Нәтижесінде, Sars-Cov-2 вирусы нақты өмірде жоқ, тек медиа кеңістікте ғана бар екен. Бұл манипуляция.
Біріншіден, бүгінгі таңда SARS-CoV-2 вирусының бар екендігіне нақты дәлелдер көп. Микроскоппен түсірілген патоген суреттері мен толық ашылған геномы баршаға қолжетімді. Вирустың өзі Кохтың барлық постулаттарына сәйкес оқшауланған. Бұл туралы біз жазған болатынбыз.
Фейк: «Эпидемиолог Sars-CoV-2 вирусының ешқашан оқшауланбағанын растады»
Екіншіден, анаграммалар бір нәрсенің дәлелі бола алмайды. Бұл кең таралған құбылыс, ол тек атауларда ғана емес, сондай-ақ күнделікті өмірде қолданылатын сөздерде де кездеседі. Мысалы, «монета» сөзінің бірден екі анаграммасы бар – «немота» және «отмена» (мылқау және болдырмау). Әлбетте, бұл факт қандай да бір қастандық теориясында қолданылмайды, есесіне, оны растамайды.
Үшіншіден, SARS-CoV-2 коронавирус нұсқаларының атаулары грек алфавитінің әріптеріне сәйкес қойылады. Дельта және Омикрон нұсқаларынан басқа Альфа, Бета, Гамма, Эпсилон, Зета, тета, Йота, Каппа, Ламбда және Мю нұсқалары бар.
Нұсқаларды осылай атау туралы шешім бірден қабылданған жоқ. Бастапқыда олар табылған жері бойынша аталды. Мысалы, «үнді», «оңтүстікафрикалық» және «британдық» штаммдар болды. Кейіннен ДДСҰ өкілдері «вирустың жаңа нұсқасы анықталған ешқандай ел стигматизацияға ұшырамауы керек» деп мәлімдеді.
Сонымен қатар, нұсқалардың алфавитінің әріптеріне сәйкес келетін атаулары қабылдауды жеңілдету үшін қолданылады. Ғалымдар В.1.1.7 немесе В.1. 351 сияқты қоздырғыштардың ғылыми атауларына сүйенеді.
Бұл фактілер анаграммаларды контекстен үзіп алады және толығымен бұрыс етеді. «Медиа бақылау» анаграммасында вирустың басқа нұсқаларының атаулары жоқ және онда грек алфавитінің әріптері көптеген басқа құбылыстар мен заттарға қатысты қолданылатындығы ескерілмеген. Мысалы, олар кейбір математикалық тұрақты және айнымалылардың, бөлшек түрлерінің және т.б. атауларында қолданылады.
Демек, мұндай хабарламалар конспирологиялық болып табылады және Sars-CoV-2 вирусының және оның нұсқаларының болу фактісін жоққа шығармайды.
