Фейк: «Бейжің олимпиадасының ашылуында жақында табиғи апаттардың болатыны болжанды»
Telegram мессенджерінде пайдаланушылар Бейжіңдегі қысқы Олимпиада ойындарының ашылу салтанатындағы құпия хабарламалар мен белгілердің «шифрын ашу» туралы бейнеролик тарады. Видео бойынша жақын арада табиғи апаттар орын алып, адамзат зардап шегеді, ал әлемді сатанистер басқарады. Мұның бәрі конспирология.
Видеода кадр сыртындағы дауыс Олимпиаданы өткізу күндері жалпы аң саны болып саналатын 666 санын құрайтынын айтады. Шын мәнінде, бұл кездейсоқтық және манипуляция, өйткені алғашқы олимпиадалық жарыстар 2 ақпанда басталды, ал 4-і күні ойындардың ресми ашылуы өтті. 
Видеода Олимпиада символы – панда – бұл балалардың домалақ безінен алынатын есірткі адренохромның белгісі делінген. Бұл теория толығымен жалған, өйткені, біріншіден, панда ежелден Қытайдың символы болып табылады, екіншіден, адренохром домалақ безден шығарылмайды, оны зертханаларда синтездейді. Бұл есірткі емес және видео авторлары айтқандай галлюцинация, эйфория, «Лас-Вегастағы қорқыныш пен жеккөрушілік» фильмінде сипатталған басқа да әсерлер тудырмайды.
Ал шараның ең ашылу салтанатының сценарийі мен ондағы «болжамдарға» келетін болсақ, олардың барлығы ролика авторының қиялы болып табылады. Рәсімнің толық сипаттамасы мен видеосы Олимпиада ойындарының сайтында жарияланған. Іс жүзінде рәсім «Бір әлем, бір отбасы» тақырыбына арналған. Мұз текшесі кадр сыртындағы дауыс айтқандай «қабір плитасы» емес, бұл жарыстардың көбі мұзбен байланысты қысқы спорт түрлерінің көрінісі.
Шара соңында пайда болатын қар ұшқындарына толы ірі қар ұшқыны иллюминаттардың белгісі емес. Бұл ойындарға қатысатын 91 мемлекеттің белгісі.
Демек, Олимпиада ойындарының ашылу салтанатында көрінген «белгілерді» ашып айту фактілерді бұрмалау және манипуляция болып табылады.
Естеріңізге сала кетейік, 2012 жылы Лондондағы Олимпиада ойындарының ашылу салтанатында да қастандық теорияларын жақтаушылар «болжамдарды» байқады, бірақ олардың ешқайсысы орындалмады.
