Фейк: «Спутник-V» атауы егілгендерді жерсерік арқылы бақылайтынын білдіреді»
Қазнет қолданушылары COVID-19 қарсы «Спутник-V» вакцинасы атауының пайда болуы туралы теорияларды алға тартуда. Олардың пікірінше, препаратпен егілгендерді жерсеріктер арқылы бақылайтынын білдіреді. Бұл жалған.
Ресейлік «Спутник-V» вакцинасы – әлемде алғашқы болып тіркелген COVID-19 қарсы екпе. Ол жердің алғашқы жасанды жерсерігі «Спутник-1»-дің құрметіне аталды. Жерсерік КСРО-да 1997 жылы 4 қазанда іске қосылған.
Екпе атаудағы V әрпі жеңіс деген сөзді білдіреді және COVID-19 ауруын жеңудің белгісі болып табылады. Вакцинацияланған адамдарды бақылау – вакциналарда белгілі бір микрочиптер бар деген жалған болжамнан туындаған қастандық теориясы. Бұл туралы біз бірнеше рет жазған болатынбыз.
Қазнетте COVID-19 қарсы жаңартылған вакцинадағы чиптер туралы әзіл шын деп ұсынылуда
Хабарламада айтылған «Спутник-V» құрамында адам жасушалары бар деген пікір де дұрыс емес. Вакцинаны жасаушылар препарат құрамында адамның да, жануардың да жасушалары жоқ екенін мәлімдеген болатын.
Сондай-ақ, фейк ақпаратта КВИ қарсы тағы бір вакцина – Moderna-ны өндірушілер адамдарды чиптейтіндерін мойындағаны айтылған. Біз бұл жалған мәлімдемені бұған дейін талдаған болатынбыз.
Фейк: «Вакцина өндірушілер адамдарды чиптеп жатқандарын мойындады»
Демек, вакцинацияланған адамдарды жерсеріктердің көмегімен бақылайтыны туралы теориялар дұрыс емес. КВИ қарсы вакцина әлемдегі алғашқы жасанды жерсерігінің құрметіне аталған, өйткені ол да осы аурудың алдын алуға арналған дәрі-дәрмектің ішінде әлемде бірінші болып тіркелген.
