Негізсіз: «1 сәуірде әлем жаңа валютаға ауысады»
Әлеуметтік желілерде қолданушылар осы жылдың 1 сәуірінде бүкіл әлем жаңа валюта – CBDC-ге көшетіні туралы жазуда. Бұл цифрлық ақша, ал қолма-қол ақшаға тыйым салынады екен. Бұған қандай да бір дәлел бар ма? Анықтайық.
CBDC – бұл нақты валюта емес, әр түрлі елдердің Орталық банктеріне тиесілі барлық цифрлық валюталардың жалпы атауы. Яғни, әр елде басып шығаратын ақша секілді, цифрлық валюта да болуы мүмкін.
Бүгінгі таңда әлемде CBDC тоғыз елде іске қосылды.
Көптеген басқа елдер CBDC енгізу мүмкіндігін әлі зерттеп жатыр немесе пилоттық жобалар әзірлеуде. Алайда, осы жылдың бірінші сәуірінде CBDC енгізілгені туралы бірде-бір ел жариялаған жоқ.
CBDC-ді Қазақстанда да енгізу жоспарланып отыр. Еліміздің Ұлттық Банкі цифрлық теңгені интеграциялау жобасын әзірлеуде. Алайда, бұл жұмыс әлі аяқталған жоқ. Жоспар бойынша цифрлық валютаның толық интеграциясы тек 2025 жылы жүргізілуі тиіс.
Бұл ретте цифрлық теңгені енгізу қолма-қол ақшаны пайдаланудың күшін жоюды немесе оған тыйым салуды білдірмейді. Ол қолма-қол ақшамен және қолма-қол ақшасыз төлемдермен қатар пайдаланылатын болады, бұл туралы ҚР Ұлттық Банктің сайтында жазылған.
Осылайша, 2023 жылдың 1 сәуірінде әлемде, нақтырақ айтқанда, Қазақстан жаңа цифрлық валютаға көшеді дегенге сенуге негіз жоқ.
