Жаңалықтар

Фейк: «Пайдаланушыларды мессенджерлерде тіркелу үшін төлқұжат деректерін хабарлауға міндеттейді»

Telegram арналарында келесі жылдың наурыз айынан бастап азаматтар мессенджерлерді пайдалану үшін төлқұжат деректерін хабарлауға міндетті болатыны туралы хабарлама тарады. Бұл жалған.


Төлқұжат деректерін ұсыну қажеттілігі туралы қауесет Ресей Федерациясы Үкіметінің биылғы 20 қазандағы қаулысын дұрыс түсіндірмеуге негізделген.
Бұл туралы ақпаратты РФ мемлекеттік думасы жоққа шығарды. Ақпараттық саясат, ақпараттық технологиялар және байланыс комитетінің төрағасы Александр Хинштейн «Говорит Москва» радиостанциясының эфирінде елде мұндай заң қабылданбағанын хабарлады.
– Мессенджер иелеріне арналған ережелер 2018 жылы шықты. Қазір Үкімет жаңа қаулы шығарды, ол бойынша байланыс операторлары телефон нөмірі бойынша растауды сұратуға және осыдан кейін ғана қызмет көрсетуге міндетті, – деп хабарлады ол. 
Демек, азаматтарды мессенджерлерді пайдалану үшін төлқұжат деректерін ұсынуға міндеттейтін жаңа заң туралы хабарламалар шындыққа жанаспайды.

 

Фейктерді әшкерелеу біздің Stopfake.kz Telegram-арнамызда. Бірден шындықты білгіңіз келсе, жазылыңыздар.

Басқа жаңалықтар

Back to top button