Жаңалықтар

Фейк: «Ұялы байланыс радиожиіліктері ДНҚ-ға зиянын тигізеді»

Telegram арналарында ұялы байланыс ДНҚ құрылымындағы когнитивтік бұзылулар мен бүлінулерге себеп болатыны туралы хабарлама тарады. Бұл егеуқұйрықтарға жүргізілген тәжірибелер барысында анықталған екен.


Хабарламаға сәйкес, 4G ұялы байланыс стандарттарының толқындары адамдар мен жануарлардың денсаулығына зиян тигізуі мүмкін.
«Бұл (…) 4G технологиясына қатысты, олардың жиілігі 0,5-2,5 ГГц», – деп жазады автор. Ол мысал ретінде «0,9-2,5 ГГц жиіліктермен сәулелену кезінде егеуқұйрықтардың миында когнитивті қабілеттің төмендегені және ДНҚ-ның зақымдануы туралы зерттеуді» келтіреді.

«Қазақтелеком» АҚ ұялы байланыстың зияны туралы мәлімдемені жоққа шығарды.- Зертханалық жануарларға жүргізілген тәжірибелер бағыттап, ұзақ сәулелендіру кезінде ғана тәртіптің біраз өзгеретінін көрсетті. Сәуле көзінен 10-20 метр қашықтықта денсаулыққа еш қауіп төнбейді. Үшіншіден, 5G жақтаушылары байланыс желілерінің тығыздығы әлемде ең жоғары болып табылатын Жапонияда азаматтар көбінесе 90-100 жылға дейін өмір сүретінін байқады. Бұл ретте миллиондаған қарт жапондар күн сайын ұялы байланысты пайдаланады», – дейді компания өкілдері.

Сондай-ақ, еліміздің ірі интернет провайдерінің хабарлауынша, Қазақстанда антенналар мен басқа да радиоэлектрондық жабдықтарды орнату заңмен реттеледі.– Қазақстанда электромагниттік өрістердің шекті рұқсат етілген деңгейлері ҚР Денсаулық сақтау министрінің 2018 жылғы 23 сәуірдегі бұйрығымен бекітілген «Радиотехникалық объектілерге қойылатын санитариялық-эпидемиологиялық талаптар» санитариялық қағидаларымен нормаланады. Нормалау тұрғын үй, қоғамдық және өндірістік үй-жайлардың сыртында және ішінде қолданылады және ұялы байланыс пен мобильді интернеттің барлық қолданыстағы технологиялары үшін норма – 10 мкВт/см2. 2G, 3G, 4G және 5G ұялы байланысы 0.3-300 ГГц диапазонында», – деп мәлімдеді «Қазақтелеком» АҚ мамандары.

Ұялы байланыстың радиоэлектрондық құралдарын орнату үшін провайдер құжаттаманы мамандандырылған органдарға жіберіп, ведомствоның аумақтық бөлімшесінен санитарлық-эпидемиологиялық қорытынды алуы керек. Антенналар мен жабдықтарды орнатқаннан кейін, радиоэлектрондық құралдарды қолданысқа беру кезінде электромагниттік өрістің энергия ағыны тығыздығының деңгейі өлшенеді.
Айта кетейік, 4G стандарты 2000 жылы қолға алынған және 2010 жылы әлем бойынша белсенді түрде енгізіле бастады. Егер технология, шынымен, зиянды болса, онда 20 жылдың ішінде бұл байқалып, жер бетіндегі адамдардың көбінің ДНҚ-сы қайтымсыз өзгерістерге ұшырайтын еді. Бақытымызға орай, мұндай ештеңе болған жоқ.
Жасушалық деңгейдегі өзгерістер иондаушы сәулелену – радиация тудыруы мүмкін. Ол ғарыштық сәулелерден, күндегі ядролық реакциялардан, қарапайым бөлшектердің үдеткіштерінен, радионуклидтер мен рентген аппараттарынан шығады.
Радиотолқындар иондаушы сәулелену түріне жатпайды және тірі жасушалардың құрылымын, ДНҚ-ны өзгерте алмайды және адамдар мен жануарлардың когнитивті қабілеттеріне әсер етпейді.

 

Фейктерді әшкерелеу біздің Stopfake.kz Telegram-арнамызда. Бірден шындықты білгіңіз келсе, жазылыңыздар.

Басқа жаңалықтар

Back to top button