Сайлау учаскесіндегі заң бұзушылықтар туралы видео Қазақстанда түсірілмеген

Facebook-те сайлау учаскесінде бақылау камерасымен түсірілген бейнежазба жарияланды. Онда бюллетеньдердің дауыс беру жәшігіне салу барысы көрсетілген. Пост авторының айтуынша, бұл Қазақстанда орын алған жағдай. Шын мәнінде, бұл ескі видео және өткен жылдың шілде айында Мәскеуде түсірілген.

Видеоның түпнұсқасын Twitter-ден көруге болады. Ол 2 шілдеде Ресейде Конституцияға өзгертулер енгізу жөніндегі сайлаудан кейінгі күні жарияланған.

Новый фокус из Раменок — теперь бюллетени можно просто приносить из другой комнаты и грузить в коибы. Что за бюллетени, откуда? pic.twitter.com/kehYXOjPdn

— Анастасия Брюханова (@bananstena) July 1, 2020

Кейіннен мәскеулік Раменки ауданындағы осы сайлау учаскесінде дауыстарды санау тоқтатылды, бұл туралы Мәскеу қалалық сайлау комиссиясы өзінің Telegram каналында хабарлады.

Демек, видеода көрсетілген бұзушылықтар Қазақстанда болған деген ақпарвт – фейк. Бұл жазбаның қазақстандық сайлауға ешқандай қатысы жоқ.