Фейк: «ДЭФ адамдар қоғамға араласу үшін тері астына чиптерді имплантациялау керек деп мәлімдеді»
Әлеуметтік желілерде Дүниежүзілік экономикалық форум өкілдері жасаған мәлімдеме талқылануда. Онда қоғамға қандай да бір жолмен араласқысы келетін адамдар орталық банктің (CBDC) цифрлық валюталық чиптерін тері астына енгізуге міндетті екендігі айтылған. Бұл жалған.
Ақпарат көзі – The People’s voice ағылшын тіліндегі жаңалықтар порталы. Бұл жалған жаңалықтарды, үгіт-насихат пен қастандық теорияларын көп жариялайтын сенімсіз дереккөз. The people’s voice – бұл бұрын жалған ақпарат таратып, үгіт-насихатпен айналысқан өз беделіне нұқсан келтірген түрі өзгертілген YourNewsWire порталы. Сондықтан мұндай дереккөзге сенуге болмайды.
«ДЭФ мәлімдемесі» туралы мақалада The People’s voice профессор Ричард Вернер мен ол Айвор Кумминстің Youtube арнасына берген сұхбатына сүйенеді. Бұл сұхбатты Желіден табуға болады, Ричард Вернер онда CBDC және тері астындағы чиптер туралы айтады. Алайда Айвор Кумминстің де, Ричард Вернердің де Дүниежүзілік экономикалық форумға ешқандай қатысы жоқ. Олардың аты ДЭФ сайтында бірде-бір жарияланымда аталмайды.
2023 жылғы 29 маусымда Дүниежүзілік экономикалық форумның мамандары CBDC енгізу және онымен байланысты ықтимал проблемалар туралы тағы бір баяндама дайындады. Онда қоғаммен араласу үшін тері астына чиптер енгізу қажеттігі туралы сөз жоқ.
Сондай-ақ ДЭФ әлеуметтік желілерінде де мұндай мәлімдемелер шықпаған.
Демек, Дүниежүзілік экономикалық форумның адамдарды тері астына чиптер енгізуге шақырғанына ешқандай дәлел жоқ.
Олай болса, таралған хабарлама – фейк.
