Манипуляция: «Илон Маск ойларын басқару үшін адамдарды чиптей бастады»
Әлеуметтік желілерде пайдаланушылар Илон Маскқа адам миына чиптер енгізуге рұқсат берілгені туралы ақпарат жариялауда. Бұл құрылғылар ақыл мен ерікті басқарады деген пікірлер жазылуда. Бұл шындыққа сәйкес келмейді.
Илон Масктың Neuralink компаниясы адамдарда алғашқы клиникалық сынақтар жүргізуге Азық-түлік және дәрі-дәрмек сапасын бақылау басқармасының мақұлдауына ие болғаны рас.
Neuralink құрылғыларын сынауға рұқсат етілді. Бұл миға тікелей имплантацияланатын және сымсыз аккумулятордан, бірнеше микрочиптен және бірнеше сымнан тұратын имплантаттар. Олар сал ауруына шалдыққан адамдарға компьютерді, планшетті немесе смартфонды ойша басқаруға көмектесуге арналған.
Құрылғылар жануарларда тексерілді: тышқандарда, доңыздарда және маймылдарда. Сынақ нәтижелері көңіл көншітерлік. Атап айтқанда, құрылғы енгізілген маймыл қарапайым компьютерлік ойындар ойнап, ойдың күшімен тінтуір курсорын мониторда жылжыта алған.
Neuralink компаниясына берілген рұқсат тек клиникалық сынақтарға ғана қатысты. Құрылғыны нарыққа шығаруға рұқсат жоқ.
Сонымен қатар Илон Масктың өзі Neuralink имплантатының сынақтары мен коммерциялық шығарылымы аяқталғанға дейін шамамен он жыл өтуі мүмкін екенін айтты.
Демек, ойларды бақылау және адамдарды жаппай чиптеу көзделмеген.
Таралған хабарлама – бұл оқырмандардан маңызды мәліметтерді жасырып, нақты жаңалықтар бұрмаланған манипуляция.
