Фейк: «Тарихтағы пандемияның әрі электромагниттік сәулеленуден туындаған»
Қазнетте пандемияның әрі, оның ішінде испан тұмауы мен COVID-19 пандемиясы да электромагниттік сәулеленуден туындаған деген ескі ағылшын фейкі таралуда. Мұның бәрі толығымен ғылымға қарсы және дәлелденбеген.
Бұл теорияның авторы – америкалық Томас Коуэн. Ол эзотерика мен псевдоғылыми теорияларға негізделген дәрістер оқиды.
COVID-19 пандемиясы басталғалы оның танымалдылығы артты. Ол қазіргі пандемия да, бұрынғы пандемиялар сияқты адамдарға электромагниттік толқындардың әсерінің нәтижесі деп мәлідеді. Науқастарда байқалатын белгілер – бұл ағзаның толқындардың әсеріне реакциясы.
Коуэн бұл теорияны ұсынған бейне 2020 жылдың көктемінде кеңінен таралды. Оны батыс фактчекерлері егжей-тегжейлі жоққа шығарды. Испан тіліндегі Maltida порталы Коуэн қолданатын ғылыми терминдердің көбі оның сөйлеу мәнмәтінінде мағынасыз деп жазды. Мысалы, ол жердің кванттық секірулерінен туындаған бұзылулар нәтижесінде жасушалар вирустар шығарады дейді. Шын мәнінде, кванттық секіру тек кванттық жүйелерде – атомдарда, молекулаларда, атом ядроларында және т.б. болады. Кванттық секіріс -кванттық жүйенің энергияның бір деңгейінен екіншісіне күрт ауысуы. Бұл құбылыс тек кванттық механикада ғана болуы мүмкін, бірақ барлық ауысулар біртіндеп жүретін үлкен денелерге қатысты қолданылатын классикалық үлгіде емес.
Коуэн «кванттық секіріс» терминін мүлдем орынсыз қолданады, осылайша оның мағынасы және қандай да бір ғылыми негізі жоғалады.
Испан тұмауы пандемиясына, Коуэннің пікірінше, радиожиіліктер емес, H1N1 тұмау вирусы себеп болды.
Вирустың пайда болуы мен электр және радио хабарын тарату арасындағы байланыс теориясын Reuters порталы бұған дейін жоққа шығарған. Фактчекерлер ауру өршіп тұрған көптеген аймақтар 1880 жылдардан бастап, яғни пандемия басталғанға дейін 30 жылдан астам уақыт бұрын электр қуатымен жабдықталған деп жазды.
Сонымен қатар адамзат электр қуаты мен радио толқындарын ашқанға дейін болған пандемиялар бар. Бізге мәлім алғашқы пандемия шамамен бес мың жыл бұрын Қытайда болған. Оған жаппай жерлеу дәлел бола алады. Жүздеген адам шайқаста емес, дерт салдарынан көз жұмған. Бұл мүрделер ішінен әйелдердің, балалардың, жасөспірімдер мен қарттардың сүйектері табылғандығымен жанама түрде расталады. Олардың бәрі бір үйде өртелген.
Сондай-ақ, Жер бетіндегі адамдар адам электр қуаты, тіпті радиохабар тарату туралы білмеген кезде бірнеше оба індеті мен басқа да аурулардың індеті орын алғаны жөнінде құжаттар бар.
5G желілері COVID-19 пандемиясының себебі болуы мүмкін деген теориялар – конспирологиялық және дәлелсіз. Оларды фактчекерлер мен ғалымдар бірнеше рет жоққа шығарды.
Радиотолқындар қандай да бір жұмбақ түрде вирустар жасайды деген нұсқаның өзі ғылымға қарсы. Ғалымдар әлі күнге дейін Жер бетінде вирустардың пайда болуының әртүрлі теорияларын зерттеп, тексеріп жатыр. Оның үш болжамы бар. Біріншісіне сәйкес, вирустар үлкен жасушаларға паразиттелген кішкентай жасушалар болуы мүмкін. Екіншісі, вирустар бір кездері үлкен организмдердің ДНҚ немесе РНҚ бөліктері болған. Үшіншісі – вирустар жер бетінде алғашқы тіршілік иелерінен бұрын жасушаға дейінгі тіршілік формасы ретінде пайда болды. Бұл теориялардың ешқайсысы толық дәлелденбеген немесе жоққа шығарылмаған. Алайда, ғылыми негізі бар теориялардың ешқайсысында вирустар электромагниттік сәулеленудің нәтижесінде пайда болады деген болжам жоқ.
Демек, Коуэннің сөздерін шын деп санамау қажет. Оның әлемдегі пандемиялардың бәрі электромагниттік сәулеленуден туындаған деген теориялары – ғылымға қарсы және дәлелсіз.
