Әлеуметтік желіде банктің фейк парақшасы пайда болды
StopFake.kz порталының редакциясына Facebook-тегі парақшаның түпнұсқалығын тексеруді сұраған оқырман жүгінді. Аккаунтта ұсынылған ақпаратқа сәйкес, бұл Halyk Bank-тің парақшасы, бірақ ол «жеке блог» деп белгіленген.
Бұл парақша – фейк.
Оны Halyk Bank-тің өзі де растады:
– Бұл алаяқтардың ісі! Сақ болыңыздар және шоттар бойынша ақпарат бермеулеріңізді сұраймыз.
Сондай-ақ, аккаунттың жалған екендігін парақшаны верификациялайтын арнайы белгілердің болмауынан және мекеменің акциялары мен жұмысы туралы тиісті ақпараттың жоқтығынан байқауға болады. Мұның бәрі Halyk Bank-тің ресми аккаунтында жарияланған.
Дербес деректерді немесе төлем карталары туралы ақпаратты үшінші тұлғаларға ешбір жағдайда хабарлауға болмайтынын ескертеміз. Парольдер мен шоттарға кіру кодтарын банк қызметкерлеріне де айтуға болмайды.
