Манипуляция: «Коронавирусқа қарсы дәрі 2003 жылы жасалған»
Қазнетте коронавирусты қалай емдейтінін адамдар 2003 жылдан бері біледі, ол кезде патоген пандемия тудырмағанын дәлелдейтін бейнеролик таратылуда. Бұл хабарламаның неге COVID-19-ға қатысы жоқ екенін және аурудың сипатталған емі тиімді емес екенін айтып берейік.
Коронавирустар – бұл жүздеген вирустан тұратын үлкен топ. Оның жетеуі адамға жұғады. Осы жетеуінің төртеуі адамдар жыл сайын ауыратын тұмау тудырады. Қалған үшеуі – SARS, MERS және Sars-CoV-2 өлімге әкелуі мүмкін тыныс алу жолдарының ауыр ауруларына әкеледі.
Коронавирус және оны қалай емдеу туралы хабарлама 2003 жылы шыққан «Вестник ЗОЖ» газетінен оқылады. Ол кезде тараған коронавирустардың бірі – SARS – ауыр жедел респираторлық синдром тудырған.
Ғалымдар ауруды емдеудің тиімді кестесін жасады, тіпті оған қарсы вакцина әзірлей бастады. Кейіннен бұл әзірлемелер COVID-19 қарсы вакциналардың негізіне алынды.
Сол жылдары жасалған және «Вестник ЗОЖ» газетінде сипатталған емдеу схемалары ғалымдарға 2019 жылдың соңында пайда болған SARS-CoV-2 коронавирусын жақсы түсінуге мүмкіндік бергенімен, оны COVID-19 емдеуде толық қолдануға болмайды.
Демек, видеода көрсетілген «Вестник ЗОЖ» газетінде COVID-19 жайлы емес, 2003 жылы тараған SARS коронавирусынан туындаған ауыр жедел респираторлық синдром туралы айтылады. Бұл аурулар әртүрлі және оларды емдеу жолдары да өзгеше, сондықтан 2003 жылғы газеттен алынған ұсынымдарды COVID-19 емдеу үшін қолдану дұрыс емес.
