Fake News
Фейк: «Алматы саябағында ерекше жағдай орын алды»
Қазнет пайдаланушылары Алматыдаң Тұңғыш Президент саябағында түсірілген бейнероликпен бөлісуде. Онда 10-11 қазанға қараған түні ағаштардың бір бөлігіне мұз қатқан, қалғаны өзгермегені көрсетілген. Пайдаланушылар мұны аномалия деп санайды.
Алматы әкімдігінің баспасөз қызметі ерекше құбылыстың себебін түсіндіріп өтті.
– Саябақтың қызмет көрсету ұйымының мәліметі бойынша, түнде суару жүйесі бұзылып, ағаштарға су шашыраған. Таңертең ауа райына байланысты ағаштарға мұз қатқан. Қазіргі кезде суару жүйесі қалпына келтірілді, – деп хабарлады ведомстводан.
Демек, видеода ерекше және тылсым жағдай көрсетілмеген. Мұның себебі – суару жүйесінің бұзылуына байланысты ағаштарға шашыраған су.
