ІІМ жедел әрекет ету жасағының наразылық білдірушілерге қосылуы туралы хабарламаларға түсініктеме берді

Telegram мессенджерінде Алматыда жедел әрекет ету жасағы наразылық білдірушілер жағына шыққаны туралы видео тарады. Бұл ақпаратты ҚР ІІМ жоққа шығарды.

Ведомствоның хабарлауынша, мұндай хабарламалар жалған ақпарат болып табылады.

– Ішкі істер органдарының қызметкерлері, ең алдымен, азаматтардың қауіпсіздігін және қоғамдық тәртіптің сақталуын қамтамасыз етеді. Әлеуметтік желі парақшасында тараған бұл ақпарат шындыққа сәйкес келмейді және фейк болып табылады. Естеріңізге сала кетейік, жалған ақпарат таратқаны үшін ел заңнамасымен жауапкершілік қарастырылған, – деп хабарлады ведомстводағылар.