Манипуляция: «Байден келесі пандемияны жоспарлау үшін ақша керек деп айтты»
Әлеуметтік желілер мен мессенджерлерде АҚШ президенті Джо Байденнің сұхбатынан үзінді тарады, онда ол келесі пандемияны жоспарлау үшін ақша керек деп айтқан. Ол шындығында не дегенін түсіндіріп өтейік.
Қазнетте үзіндісі таралған сұхбаттың толық нұсқасы бар, Ақ үйдің ресми сайтында жазбаша нұсқасы жарияланған.
Онда COVID-19 қарсы вакциналардың жалпы халыққа, әсіресе балаларға қол жетімділігі туралы айтылады.
АҚШ үкіметіне ақша керек деп Джо Байден Конгресс жаңа партияны сатып алуға қосымша қаржы бөлгенге дейін балаларға арналған вакциналардың қанша дозасы бар деген сұраққа жауап берді.
– Кем дегенде жыл соңына дейін жетерлік қор бар. Бірақ бізге көп ақша керек. Балаларға вакциналар сатып алу үшін ғана емес, келесі пандемия болып қалуы мүмкін жағдайды жоспарлау үшін ақша қажет. Тағы бір пандемия болады. Алдын ала ойлануымыз керек», – деді ол өз жауабында.
Оның жауабында пандемияның өзін жоспарлау үшін ақша керек болады деген сөз жоқ.
Джо Байденнің келесі пандемия туралы айтқаны оның ой тұжырымы немесе жорамалы емес. Бұл туралы ғалымдар мен зерттеушілер де бірнеше рет айтқан.
Олардың болжамы тарихи фактілерге негізделген: пандемия Жер халқы мен урбанизация қарқыны өскен сайын ұдайы болып тұрды. Аурулар тез тарала бастады және вирустың жаңа штамдары жиі пайда болады.
Осылайша, Джо Байден ғалымдардың ғылыми негізделген болжамдарын қайталап, аурудың келесі ошағына алдын ала дайындалған дұрыс екенін айтты. Бұл тәсіл денсаулық сақтау жүйесіне түсетін шамадан тыс жүктемені болдырмауға және адамдардың өмірін сақтап қалуға көмектеседі.
Демек, Джо Байденнің сөздері ол серіктестерімен бірге келесі пандемияны жоспарлап, қолдан аса қауіпті патоген жасайды дегенді білдірмейді.
