Өтірік және манипуляция: «Аутизмді арнайы массажбен емдеуге болады»
Әлеуметтік желілерде Әділ Ақышевтің аутизмді емдеудің «авторлық» әдістемесі туралы ақпарат таратылуда. Оған сәйкес, ағзаны тазарту мен арнайы массаж аурудан біржола арылуға көмектеседі. Біз «Қарағанды медицина университеті» КЕАҚ психиатрия кафедрасының ассистенті дәрігер-психиатр Марина Антоновичпен бірге посттардағы бірнеше тезисті талдап шықтық.
Instagram-дағы постта Әділ Ақышев 2016 жылы «Аутизмнің, АСБ, ПДТ, СТБ себебі – саңырауқұлақ, вирустық, бактериялық, паразиттік инфекциялар» деп «әлемдік жаңалық» ашқаны туралы хабарланады.
Автор қысқа мерзімде аутизмнен айықтыра алатынын айтады. Ол ұсынған әдіс гемосканизация, биолоиялық белсенді қоспалар арқылы инфекциядан тазарту (қандай инфекциялар екені көрсетілмеген), биоэнергетикалық процедуралар мен массаж арқылы диагностикалауды қамтиды.
Әділ Ақышев немесе Алдылгомар Ақышев деген кім?
Ашық дереккөздерден біз оның кәсіби қызметі туралы ақпарат таппадық. «Астанада аутизмді емдеу» деп аталатын сайтта ол «Аураны қалпына келтіру әдістемесінің авторы» ретінде көрсетілен.
Оның Instagram-дағы парақшасында пайдаланушылар оның біліміне қатысты сұрақтар қояды. Ол жазылушыларының біріне үш жоғары білімі бар екенін айтады, бірақ қандай екенін нақтыламайды. Басқасына инженермін деп жауап берен.
Көрсетілген нөмірлер бойынша мессенджерлерге және поштаға жіберген біздің сұрақтарымызға ешкім жауап берген жоқ.
Тезистерге көшейік
Автор аутизмнің себебі «инфекциялар, вирустар, бактериялар, паразиттер мен саңырауқұлақтар» деп «әлемдік жаңалық» ашқанын мәлімдейді. Бұл өтірік
Жалпы алғанда, аутизм деп аталатын аутизм спектрінің бұзылуы (АСБ) – бұл коммуникативті және мінез-құлық бұзылыстарын тудыратын нейроонтогенетикалық бұзылулар.
Аурудың себептері әлі де зерттелуде. Ғалымдардың пікірінше, АСБ көптеген шағын түрлерінің пайда болуына генетикалық және экологиялық факторлардың үйлесуі әсер етеді.
«Қазіргі уақытта біз этиология, патогенез, әртүрлі психикалық бұзылулар клиникасының кәсіби емес тұрғыдан түсіндірілуіне жиі тап боламыз, демек, мұндай пациенттерді дұрыс емдемейді. Аутизм спектрінің бұзылуының себептеріне келетін болсақ, генетикалық компонентті растайтын маңызды дәлелдер бар. Аутизм спектрі бұзылған баланың ата-аналары үшін осындай патологиясы бар келесі баланың туылу қаупі 50-100 есе жоғары.
Қоршаған ортаға байланысты себептер (бактериялар, вирустар, тамақтану, вакциналар) қарастырылды, бірақ әлі расталған жоқ. Екпелердің аутизм тудырмайтындығының салмақты дәлелі бар және осы байланысты көздеген бастапқы зерттеудің күші жойылды, себебі оның авторы деректерді бұрмалаған», – дейді «Қарағанды медицина университеті» КЕАҚ психиатрия кафедрасының ассистенті Марина Антонович.
Сарапшы психикалық дамудың тежелуі (ПДТ) мен сөйлеу тілі бұзылыстарын (СТБ) аутизммен бір топқа біріктіру дұрыс емес деп түсіндірді, ал Ақышев оларды массажбен емдейтінін айтқан. Бұл бұрынғы анықтамалар. Олар ғылыми және медициналық тұрғыдан негізделген және дәлелді психиатриялық тәжірибеге бағытталған санаттармен алмастырылды.
«Психикалық дамудың тежелуі» медициналық диагноз ретінде қолданыла алмайды және психикалық бұзылуларға, оның ішінде ақыл-ой кемістігі, гиперкинетикалық бұзылулар, психологиялық дамудың бұзылуы және т.б. қарсы қойылмайды. Бұл аурулардың әрқайсысының өзіндік этиологиясы, патогенезі және клиникасы бар.
Жоғарыда айтылғандар сауатсыз, надан «мамандардың» әрекетінен себептері, жағдайлары, клиникасы, бұзушылықтары бар әртүрлі аурулардың (тиісінше әр түрлі диагнозы бар балалар) бірдей емделетін бір топқа біріктіріледі. Немесе дәлелденбеген, сондай-ақ бірақ дәлелді медицинамен жоққа шығарылған осы патологиялардың даму себептері көрсетіледі», – деп түсіндірді дәріер-психиатр.
Ағзаны диагностикалау үшін «массаж жасау» әдісінің авторы гемосканизацияны ұсынады.
Гемосканизация балама әдістерге жатады, яғни ресми медицина мойындалмаған. Бұл әдіс микроскоппен қан тамшысын зерттеуе негізделен.
Quackwatch ресурсында гемосканизация процедуралары осы әдісті қолданған клиникаларға қарсы сот ісімен аяқталған жағдайлар топтамасы жинақталған.
Диагностикалаудан кейін Ақышев ағзаны паразиттерден тазарту және иммунитетті қалпына келтіру курсын ұсынады. Мұның бәрі белісіз биологиялық белсенді қоспалардың көмегімен жасалады.
Соңғы қадам – автор әзірлеген массаж процедуралары. Айта кетейік, Ақышев АСБ бар балаларға массаж жасау құқығын растайтын қандай да бір құжаттарды көрсетпейді. Сондай-ақ, бұл арнайы массаждың не екендігі туралы ешқандай ақпарат жоқ.
Пікірлер бойынша, өткен жылы бір сеанс жазылған айына байланысты 12500, 15 000 және 25 000 теңгені құрады.
Білікті мамандар жасайтын массаж терапиясы AСБ бар науқастарға көмектесе алады, бірақ емдемейді. Қазіргі уақытта аутизм спектрінің бұзылыстарының емі жоқ. Пациенттерге физикалық және психикалық жетіспеушіліктердің орнын толтыруға көмектесетін оңалту және мінез-құлықты түзету бағдарламалары бар. Бағдарламалар психологтармен, невропатологтармен, ЕДШ нұсқаушыларымен сабақтарды қамтиды.
«Аутизмі бар балалар, әдетте, аяқтың ұшымен жүреді, аяқ бұлшық еттерінде кернеу болады. Терең массаж балаға бұлшық еттерін босаңсытуға және массаждан кейін кем дегенде біраз уақыт физиологиялық болуына септігін тигізеді. Сонымен қатар, массаж тыныс алу мен релаксацияны жақсартады. Тыныс алу жаттығулары баланы тыныштандыруға және гиперактивтілікті төмендетуге бағытталған. БІРАҚ! Аутизмді немесе ақыл-ой кемістігін немесе гиперкинетикалық массаждың бұзылуын ЕМДЕУ мүмкін емес. Барлық іс-шараларды балаларға медицина қызметкерлерінің жүргізуі маңызды», – деп қосты Марина Антонович .
Осылайша, автор медицина мәселелерінде, атап айтқанда, АСБ зерттеу және емдеу саласындағы өзінің біліктіліін растамайды. Оның бірнеше айдың ішінде аутизмнен «сауықтырып шығамын» деген уәдесі ата-аналардың балаларына көмектесуге деген ұмтылысымен манипуляция жасау болып табылады.
