Fake News
Фейк: «Қостанайда қарулы мигранттар баланың ұялы телефонын тартып алған»
What ‘ sApp мессенджерінде Қостанайда Ресейден келген үш қарулы адам баланың ұялы телефонын тартып алғаны туралы ақпарат тарады. Бұл жалған.
Бұл ақпаратты Қостанай облысының полиция департаменті жоққа шығарды.
– Бұл ақпарат – фейк. Облыста жедел және көші-қон жағдайы тұрақты. Аталған факті бойынша полицияға арыз-шағым түскен жоқ. Сонымен қатар соңғы күндері көші-қон ағымының артуы аймақтағы криминогендік жағдайға әсер еткен жоқ. Облыстық полиция штаттық режимде жұмыс істеп жатыр, – деп хабарлады ведомствоның баспасөз қызметі.
Баршаңызды әлеуметтік желілер мен мессенджерлерде арандатушылыққа бой алдырмауға және тек ресми ақпаратқа ғана сенуге шақырамыз.
