Фейк: «Ғалымдар 5G технологиясы мен COVID-19 арасындағы байланысты дәлелдеді»
Желі қолданушылары «Биологиялық реттегіштер мен гомеостатикалық агенттер журналында» жарияланған ғылыми мақаланы талқылауда. Онда тері жасушалары 5G толқындарын сіңіре алады, ал технологияның өзі COVID-19 ауруымен байланысты деп айтылған. Бұл олай емес.
«5G Technology and induction of coronavirus in skin cells» мақаласы 2020 жылы жазда жарық көрді. Авторлар адамның тері жасушалары 5G стандартты миллиметрлік толқындарды сіңіре алады, дененің басқа жасушаларына сигнал бере алады және сол жерде Sars-CoV-2 вирусын жасай алады деп мәлімдеді.
Ғылыми журналда жарияланғаннан кейін көп ұзамай редактор мақаланы кері қайтарып алды.
«Мұқият тексергеннен кейін бас редактор бұл мақаланы кері қайтарып алды, өйткені онда пікірді айтарлықтай манипуляциялаудың дәлелі табылды», – делінген басылым сайтында.
Ғылыми қауымдастық 5G-дің COVID-19 байланысы туралы мақала авторларын сынға алды. Жарияланым «Жылдың ең нашар еңбегі» деп танылды.
– Құжатта 5G толқындары тері жасушаларында өздігінен коронавирустар тудыруы мүмкін делінген. Алайда, мақалада бұл ерекше мәлімдемені растайтын ештеңе жоқ. Бұл сандырақ», – деп жазды микробиолог және ғылыми тұтастық жөніндегі кеңесші Элизабет Бик.
Демек, 5G форматының кез келген вирустық аурулармен байланысы дәлелденген жоқ. Сонымен қатар, бүкіл әлемдегі ғалымдар кез келген толқындардың вирустар тудыруы мүмкін екенін жоққа шығарады. ДДСҰ сайтында коронавирустық 5G мен коронавирустық инфекцияның арасындағы байланыс туралы теория ресми түрде жоққа шығарылды.
