«Маскасыз жүргендерді суретке түсіріп, жеке тұлғасын анықтап, айыппұл салуда» – Қазнетте фейк ақпарат таратылуда
Қазнет пайдаланушылары елді мекендерде көшеде жүрген топтар адамдарды суретке түсіріп, медициналық маскасыз жүргендердің тұлғасын анықтайды, содан кейін ол адамдар айыппұл салынғандығы туралы хабарламалар алады деп жазуда. Қазақстанда мұндай шаралар іске асырылып жатқан жоқ.
Тауарлар мен көрсетілетін қызметтердің сапасы мен қауіпсіздігін бақылау комитеті айыппұл салудың мұндай схемасы туралы ақпаратты жоққа шығарды.
«Полиция қызметкерлерінің бақылау топтарымен бірге ойын-сауық орындарын, кейде көшеде адамдарды тексеретіні рас. Бірақ бұзушылық анықталған жағдайда, олар рапорт дайындап, құқық бұзушыдан жазбаша түрде түсініктеме алуы керек. Содан кейін барлық құжаттар өңірлердегі тауарлар мен көрсетілетін қызметтердің сапасы мен қауіпсіздігін бақылау департаментінің қарауына ұсынылады. Тек сонда ғана айыппұл салынады. Фотосурет бойынша ешкім айыппұл салмайды», – деп түсіндірді ведомствоның ресми өкілі Ержан Байтанаев.
Баршаңызды тек ресми ақпаратқа ғана сенуге шақырамыз! Жаңалықтың шынайылығын біздің порталдың көмегімен тексеруге болады. Өзіңізді қызықтырған ақпаратты t.me/stopfake_kz Telegram-арнасына немесе +7 707 739 5599 WhatsApp номеріне жіберіңіз.
