Fake News

Қазақстандықтарға бетперделердегі моргеллондарды өлтіру үшін сутегінің асқын тотығын ішу ұсынылуда

Қазнетте медициналық маскалардағы моргеллон құрттары туралы хабарламалар көп. Кейбір пайдаланушылар жұмбақ тіршілік иелері денсаулыққа қалпына келмейтін зиян келтіруі мүмкін және олармен күресу керек деп санайды. Желіде мұны қалай жасау керектігі туралы ұсыныстар бар, бірақ сипатталған әдістер көмектеспес бұрын, зиян келтіруі ықтимал.


Фактчекерлер де, ҚР Денсаулық сақтау министрлігінің өкілдері де бетперделердегі және ПТР тестілеу жиынтықтарындағы бірде моргеллондар, бірде нано-боттар деп аталатын құрттар туралы хабарламаларды бірнеше рет жоққа шығарған болатын. Дегенмен, Қазнеттің кейбір пайдаланушылары осы қастандық теориясын одан әрі дамытып, тіпті жоқ құрттардан қалай құтылу керектігі туралы кеңестерімен бөлісуде. Олар бетперде таққандардың барлығына сутегінің асқын тотығын ішуді ұсынады.

Денсаулық сақтау министрлігі маскадағы құрттар туралы қауесеттерді жоққа шығарды

Бірақ мұндай «ем» денсаулыққа көмектесуден гөрі зиянын тигізуі мүмкін. Сутегінің асқын тотығын мүлдем ішуге болмайды. Бұл өлімге әкелуі мүмкін. Заттың 3 мл өлімге апаруы ықтимал деп саналады. Сутектің асқын тотығы шырышты қабықтарға түсіп, сілтілердің әсерінен болған күйіктерге ұқсас деструктивті өзгерістерге әкелуі мүмкін.
Оның үстіне, моргеллондардың әсерінен «емделудің» қажеті жоқ, өйткені бұл құрттардың болуы, сондай-ақ олар тудыруы мүмкін аурулар дәлелденбеген.
Бұл дерт аурулардың халықаралық жіктеуішіне енгізілмеген, өйткені көптеген ғалымдардың пікірінше, Моргеллон ауруы – бұл галлюцинация және дерматоз сандырақ деп аталатын психиатриялық аурудың немесе басқа психикалық бұзылыстың белгісі болып табылады.
Қорыта айтқанда, моргеллондарды емдеу туралы кеңестерге сенбеу керек. Сутегінің асқын тотығын қолдану қауіпті, ал Моргеллон ауруының бар екендігіне дәлелдер жоқ.

 

Фейктерді әшкерелеу біздің Stopfake.kz Telegram-арнамызда. Бірден шындықты білгіңіз келсе, жазылыңыздар.

Басқа жаңалықтар

Back to top button